پاکستان میں ایران کے سفیر رضا امیری مقدم نے مالی خیل، بنوں میں دہشتگردی واقعے کی مذمت کرتے ہوئے کہا کہ پاکستان کے سیکیورٹی فورسز کے 12اہلکاروں کی شہادت پر افسوس ہوا ہے، پاکستانی حکومت، فوج اور عوام سے اظہار تعزیت کرتا ہوں۔
انا لله و انا الیه راجعون
Dejected to hear about the sad news of the terrorist blast in Bannu’s Mali Khel in Khyber Pakhtunkhwa leading to the martyrdom of twelve security personnels of the Islamic Republic of Pakistan.
I extend my heartfelt condolences to the Government, Army… pic.twitter.com/DFXo0rqxt0— Reza Amiri Moghadam (@IranAmbPak) November 20, 2024
ایران کے سفیر رضا امیری مقدم نے مذمت سماجی رابطے کی ویب سائٹ ایکس پر پوسٹ کرتے ہوئے لکھا کہ خیبر پختونخوا میں مالی خیل، بنوں میں ہونے والے دہشتگرد دھماکے کی افسوسناک خبر سن کر دکھ ہوا۔ اس واقعہ میں پاکستان کے 12سیکیورٹی اہلکاروں کی شہادت ہوئی۔
مزید پڑھیں: بنوں: خوارجیوں کا سیکیورٹی چیک پوسٹ پر حملہ، 12اہلکار شہید، 6خوارج ہلاک
رضا امیری مقدم نے کہا کہ پاکستانی حکومت، فوج اور عوام سے اظہار تعزیت کرتا ہوں۔ بالخصوص ان خاندانوں سے دلی تعزیت کا اظہار کرتا ہوں جنہوں نے اپنے پیاروں کو کھو دیا۔
’اللہ تعالی سے شہدا کے لیے جنت الفردوس میں اعلیٰ مقام کے لیے دعاگو ہوں‘۔
ایرانی سفیر کا کہنا تھا کہ وہ شہدا کے لیے جنت الفردوس میں اعلیٰ مقام کے لیے دعا گو ہیں اور سوگوار خاندانوں کے لیے صبر جمیل کی دعا کرتے ہیں۔
ایرانی سفیر نے اپنے پیغام میں شہداء کی تصاویر بھی جاری کیں اور ایرانی سفارت خانہ نے بھی علیحدہ میں مالی خیل دہشتگردی پر مذمتی و تعزیتی بیان جاری کیا۔
یہ بھی پڑھیں: پشین اور ژوب میں آپریشن، 2 خوارجی ہلاک 5 گرفتار: آئی ایس پی آر
واضح رہے بنوں کے علاقے مالی خیل میں خوارجیوں نے سیکیورٹی فورسز کی چیک پوسٹ پر خودکش حملہ کیا جس کے نتیجے میں 12سیکیورٹی اہلکار شہید ہوگئے جبکہ فائرنگ کے تبادلے میں 6خوارجی ہلاک ہوئے۔ سیکیورٹی فورسز نے خوارجیوں کی پوسٹ میں داخل ہونے کی کوشش ناکام بنادی۔
