پشتون تحفظ موومنٹ (پی ٹی ایم) کے رہنماؤں کے خلاف اشتعال انگیز تقریر اور بغاوت کے کیس میں جیل میں قید علی وزیر انسداد دہشت گردی کی عدالت میں پیش نہیں کیے جاسکے۔
یہ بھی پڑھیں: علی وزیر کو اسلام آباد پولیس نے رات گئے گرفتار کرلیا
علی وزیر کے وکیل نے کراچی کی انسداد دہشت گردی عدالت کو بتایا کہ ان کے مؤکل کو بلوچستان کی گڈانی جیل منتقل کردیا گیا ہے جس کے سبب ان کو عدالت میں پیش نہیں کیا جاسکا۔
تاخیر سے پیش ہونے پر عدالت نے تفتیشی افسر پر برہمی کا اظہار کرتے ہوئے آئندہ وقت پر پیش ہونے کا حکم دیا۔ عدالت نے آئندہ سماعت پر گواہوں کو بھی طلب کرلیا۔
عدالت نے کیس کی سماعت 21 دسمبر تک ملتوی کردی۔
مزید پڑھیے: سابق رکن قومی اسمبلی علی وزیر 3 روزہ جسمانی ریمانڈ پر ایف آئی اے کے حوالے
پشتون تحفظ موومنٹ کے رہنماؤں کے خلاف سال 2018 میں شاہ لطیف ٹاؤن تھانے میں مقدمہ درج کیا گیا تھا۔
الزام کے مطابق ملزمان نے عوام کو ریاستی اداروں کے خلاف بھڑکانے کی کوشش کی تھی۔
پولیس کا کہنا ہے کہ مقدمے میں علی وزیر اور مصطفیٰ خان گرفتار ہیں جبکہ دیگر ملزمان امان خان اور عمیر خان ضمانت پر رہا ہیں۔
