نوجوان صحافی و اینکر پرسن سیّد مزمل حسین شاہ نے انکشاف کیا ہے کہ کچھ حالیہ وی لاگز میں ظاہر کیے گئے سیاسی خیالات کی بنیاد پر ان کے پڑوس پر رہنے والے 2 مسلح افراد نے ان کے گھر میں گھس کر ہوائی فائرنگ کی۔
سماجی رابطے کی سائٹ ’ایکس‘ پر اپنے ایک بیان میں انہوں نے لکھا کہ مسلح افراد کی جانب سے میرے گھر کے دروازے توڑنے کی کوشش کی گئی۔
Two armed men from a neighbouring house, who seem to have taken an offence over my recent political opinions, entered the premises of my house around 5:30pm yesterday in my absence. Fired multiple aerial gunshots with automatic weapons & tried to break doors. My family called the… pic.twitter.com/EVQ9zYMLrH
— Syed Muzammil Shah (@SyedMuzammilOFL) December 4, 2024
سید مزمل حسین شاہ نے لکھا کہ یہ واقعہ منگل کی شام کو پیش آیا، اور جن لوگوں نے میرے گھر پر حمہ کیا ان کے پاس آٹومیٹک اسلحہ موجود تھا۔
صحافی نے بتایا کہ میرے گھر والوں نے جب پولیس کو اطلاع دی تو ان افراد کی جانب سے ان کے سامنے بھی فائرنگ کی گئی، اور ایک موقع سے فرار ہوگیا۔
انہوں نے کہاکہ حملہ آوروں کے خلاف دو مختلف ایف آئی آرز درج ہیں، لیکن گولی چلانے چلانے والے ملزم نوید کو ابھی تک گرفتار نہیں کیا گیا۔
انہوں نے لکھا کہ اس ملک میں صحافت کی قیمت ادا کرنا پڑتی ہے، میں واقعے کے 24 گھنٹے کے بعد یہ ٹوئٹ کررہا ہوں۔
یہ بھی پڑھیں علی امین گنڈا پور کی باتیں نامناسب، صحافی جہاد کرتے ہیں، عمران خان
سید مزمل حسین شاہ نے لکھا کہ میں نہیں چاہتا تھا کہ واقعے کو سامنے لاؤں لیکن مرکزی ملزم اب بھی مفرور ہے، اس لیے ریکارڈ پر لانا چاہتا ہوں کہ اگر مجھے یا میرے خاندان کو کچھ ہوا تو حکومتی عہدیداروں کو ذمہ داری لینا ہوگی۔
