ایکس، ٹیسلا اور اسپیس ایکس جیسی کمپنیوں کے مالک ایلون مسک نے ٹیکنالوجی کمپنی گوگل کی ای میل سروس جی میل کے لیے خطرے کی گھنٹی بجا دی ہے۔
غیرملکی میڈیا کے مطابق، ایلون مسک نے حال ہی میں ’ایکس‘ پر ایک پوسٹ کا ردعمل دیتے ہوئے جی میل کے مقابلے میں اپنی ’ایکس میل‘ سروس شروع کرنے کا اعلان کیا ہے۔
یہ بھی پڑھیں: ایلون مسک کی اسٹار لنک پاکستان آ رہی ہے؟
ایکس پر ایک صارف نے اپنی پوسٹ میں لکھا تھا کہ @x.com کا ای میل ایڈریس ہی مجھے جی میل استعمال کرنے سے روک سکتا ہے۔
Having an @x.com email address is the only thing that can stop me from using Gmail!
— Nima Owji (@nima_owji) December 15, 2024
ایلون مسک نے مذکورہ پوسٹ کا جواب دیتے ہوئے لکھا، ’دلچسپ! میسجنگ بشمول ای میل کس طرح کام کرتے ہیں، ہمیں اس پر دوبارہ غور کرنے کی ضرورت ہے۔‘
Interesting.
We need to rethink how messaging, including email, works overall. https://t.co/6wZAslJLTc
— Elon Musk (@elonmusk) December 15, 2024
ایلون مسک نے تصدیق کی کہ ایکس میل میں ایک ڈی ایم اسٹائل انٹرفیس ہوگی جو موجودہ میسجنگ پلیٹ فارمز کے مطابق ہوگی۔
ایلون مسک کی جانب سے ’ایکس میل‘ شروع کرنے کے اعلان کے ساتھ ہی سوشل میڈیا پر ایک نئی بحث شروع ہوچکی ہے اور لوگ اس کے بارے میں مزید جاننے کے لیے بے تاب نظر آرہے ہیں۔
