معروف صحافی و تجزیہ نگار ارشاد بھٹی نے سابقہ اداکارہ سماراج سے دوسری شادی کرلی۔
تفصیلات کے مطابق شادی کی تقریبات لاہور کی بادشاہی مسجد کے قریب واقع ریسٹورنٹ میں منعقد کی گئی جس میں قریبی دوست احباب اور رشتہ داروں نے شرکت کی۔
شادی کی ویڈیوز سوشل میڈیا پر وائرل ہورہی ہیں جس میں سماراج اورارشاد بھٹی کو فوٹوشوٹ کراتے دیکھا جاسکتا ہے۔ سابقہ اداکارہ سماراج نے اپنے آفیشل انسٹاگرام اکاؤنٹ پر بھی شادی کی ویڈیوز کو شیئر کرتے ہوئے کیپشن میں قرآنی آیت کا ترجمہ تحریر کیا ’اور ہم نے تمہیں جوڑوں میں پیدا کیا‘۔
View this post on Instagram
انہوں نے مزید لکھا کہ انہوں نے اللہ کی رضا کے لیے ایک دوسرے سے نکاح کیا ہے اللہ انہیں دنیا، آخرت اورجنت میں ساتھ رکھے۔ سابقہ اداکارہ کی پوسٹ کے مطابق دونوں کا نکاح 2ہفتے قبل ہوا تھا۔ سوشل میڈیا صارفین دونوں کو مبارکباد اور دعائیں دے رہے ہیں اور ان کی آنے والی زندگی کے لیے نیک خواہشات کا اظہار کررہے ہیں۔
ارشاد بھٹی اور سماراج کا ایک پرانا کلپ بھی سوشل میڈیا پر وائرل ہو رہا ہے جس میں میزبان ان کے پراجیکٹ ’دودھ پتی‘ کے بارے میں پوچھتے ہیں کہ وہ کب لانچ ہو رہا ہے۔ میزبان ارشاد بھٹی کی جانب اشارہ کرتے ہوئے کہتے ہیں کہ یہ ’پتی‘ ہیں جس پر صحافی کہتے ہیں ’ اللہ آپ کی زبان مبارک کرے‘۔
زبان مبارک ہوئی اور ارشاد بھٹی صاحب رشتہ ازدواج میں منسلک ہو گئے ۔ دی کرنٹ کے مطابق ارشاد بھٹی اور سما راج کا دو ہفتے قبل نکاح عقد ہو گیا۔ دونوں کو بہت بہت مبارک ہو۔ @IrshadBhatti336 pic.twitter.com/M8ANA3Efnm
— Sabookh Syed | سبوخ سید (@SaboohSyed) December 17, 2024
واضح رہے ارشاد بھٹی کی پہلی اہلیہ 2022 میں انتقال کر گئی تھیں۔
