پاکستان کرکٹ بورڈ (پی سی بی ) نے پاکستان سپر لیگ (پی ایس ایل) کے 10ویں ایڈیشن کا لوگو رونمائی کردی ہے۔
ایچ بی ایل پی ایس ایل کا 10واں ایڈیشن 8 اپریل سے 19 مئی 2025 تک منعقد ہوگا اور یہ ایونٹ اس لحاظ سے خاص ہے کہ یہ اپنے10سال مکمل کررہا ہے۔
یہ بھی پڑھیں: پی ایس ایل 10 پلیئرز ڈرافٹنگ، کون سی ٹیم نے کس کھلاڑی کو چنا؟
پی ایس ایل کے نئے لوگو میں 6 بولڈ اور ایک دوسرے سے جڑی ہوئی لائنز نمایاں ہیں، جو پی ایس ایل کی 6 فرنچائزز کو خراج تحسین پیش کرتی ہیں۔
🚨 A decade of unforgettable moments – HBL PSL 10 logo unveiled 🌟#HBLPSLX | #DECADEOFHBLPSL pic.twitter.com/igbNzuVyZP
— Pakistan Cricket (@TheRealPCB) February 4, 2025
لوگو میں رومن ہندسہ X اور عددی نمبر 10 نمایاں ہے۔
چیف ایگزیکٹیو پی ایس ایلسلمان نصیر نے کہا کہ ایچ بی ایل پی ایس ایل صرف ایک کرکٹ لیگ نہیں بلکہ یہ قومی جذبے کا آئینہ دار ہے جس نے قوم کو متحد کر رکھا ہے، 10ویں ایڈیشن میں شائقین کو کرکٹ کے یادگار لمحوں کا لطف اٹھانے کا موقع ملے گا۔
یہ بھی پڑھیں: ڈیوڈ وارنر بھی پی ایس ایل 10 میں طوفان برپا کرنے کے لیے تیار، رجسٹریشن کرا لی
یہ ایونٹ پاکستان میں کرکٹ کے چاہنے والوں کے لیے ایک اور شاندار موقع ثابت ہونے والا ہے۔
