پاکستان سپر لیگ 10ویں ایڈیشن کے لیے پلیئرز ڈرافٹ کی تقریب حضوری باغ لاہور، شاہی قلعہ میں منعقد ہوئی۔ ایونٹ کی 6 فرنچائززایچ بی ایل پی ایس ایل 2025 کے لیے اپنے اسکواڈز کو حتمی شکل دی۔ اولمپئن گولڈ میڈلسٹ ارشد ندیم بھی پی ایس ایل ڈرافٹ کی تقریب میں شریک ہوئے اور ملتان سلطانز کی جانب سے کیٹیگری کا اعلان کیا۔
پاکستان سپر لیگ 10 کی ڈرافٹنگ میں بیٹرز کیٹیگری میں بابراعظم نے بہترین بیٹر کا پیپلز چوائس، شاہین شاہ آفریدی نے بہترین بولرجبکہ شاداب خان نے بہترین آل راؤنڈراور موسٹ ویلیو ایبل (سب سے قیمتی) کھلاڑی کا پیپلزچوائس ایوارڈ جیت لیا ہے۔
پیر کو لاہور میں ہونے والی پاکستان سپر لیگ 10 کے لیے پلیئرزڈرافٹنگ کی تقریب کے دوران اعلان کیا گیا کہ پشاور زلمی کے لیے پاکستان کے مایہ نازبیٹربابراعظم نے بہترین بیٹرزکی کیٹیگری میں پیپلزچوائس ایوارڈ جیت لیا ہے۔
پی ایس ایل میں موسٹ ویلیوایبل پلیئرز(سب سے قیمتی کھلاڑی) کیٹیگری کا ایوارڈ بھی شاداب خان نے اپنے نام کر لیا ہے جبکہ بہترین انفرادی بیٹنگ کی کیٹیگری کا ایوارڈ انگلینڈ کے جیسن روئے نے جیت لیا ہے۔
Olympic Gold medallist announcing the @MultanSultans gold pick 🤩
Pride of Pakistan 🇵🇰 Arshad Nadeem joins us at the #HBLPSLDraft 🙌#DECADEOFHBLPSL pic.twitter.com/crZJCI78w8
— PakistanSuperLeague (@thePSLt20) January 13, 2025
اس سے قبل ایونٹ میں شامل تمام 6 فرنچائزز پلاٹینم، ڈائمنڈ، گولڈ، سلور، ایمرجنگ اور سپلیمنٹری کیٹیگری میں کھلاڑیوں کا انتخاب کیا گیا۔ ایونٹ میں شامل تمام 6 فرنچائزز پلاٹینم، ڈائمنڈ، گولڈ، سلور، ایمرجنگ اور سپلیمنٹری کیٹیگری میں کھلاڑیوں کا انتخاب کرکے اسکواڈز کو حتمی شکل دے دی ہے۔ یہ جانتے ہیں کہ کس کیٹیگری میں کس ٹیم نے کس کھلاڑی کو چنا؟
Several surprises and big names in the two Platinum rounds! 🚨
➡️ Zalmi used the Right to Match card for Tom Kohler-Cadmore
➡️ Faheem Ashraf and Abbas Afridi were wildcard picks
Your thoughts❓#HBLPSLDraft | #DECADEOFHBLPSL pic.twitter.com/wjVkFKZLrB
— PakistanSuperLeague (@thePSLt20) January 13, 2025
پلاٹینم کیٹیگری
پلاٹینیم کیٹیگری میں لاہور قلندرز نے ڈیرل میچل، کراچی کنگز نے ڈیوڈ وارنر، اسلام آباد یونائیٹڈ نے میتھیو شارٹ، پشاور زلمی نے ٹوم کوہلر کیڈ مور کو رائٹ ٹو میچ کے ذریعے منتخب کر لیا ہے، کوئٹہ گلیڈی ایٹر نے پلاٹینم کیٹیگری میں مارک چیپمین جبکہ ملتان سلطانز نے پلاٹینم کیٹیگری میں مائیکل بریسویل کا انتخاب کیا ہے۔
Diamond picks completed ✅💎
Who are you most looking forward to seeing in action❓#HBLPSLDraft | #DECADEOFHBLPSL pic.twitter.com/bTNfldqjGk
— PakistanSuperLeague (@thePSLt20) January 13, 2025
ڈائمنڈ کیٹیگری
پی ایس ایل 10 کے لیے ڈائمنڈ کیٹیگری میں لاہور قلندرز نے کوسل پریرا، کراچی کنگزنے خوشدل شاہ، اسلام آباد یونائیٹڈ نے جیسن ہولڈر، پشاور زلمی نے کوربن بوش جبکہ کوئٹہ گلیڈی ایٹرز نے محمد علی کا انتخاب کیا ہے۔
𝐆.𝐎.𝐋.𝐃 players in the gold category added in the squads 🏅
Who is the most exciting pick❓#HBLPSLDraft | #DECADEOFHBLPSL pic.twitter.com/hsmr1MoB8W
— PakistanSuperLeague (@thePSLt20) January 13, 2025
گولڈ کیٹیگری
پی ایس ایل 10 کے لیے گولڈ کیٹیگری میں کراچی کنگز نے عامر جمال، اسلام آباد یونائیٹڈ نے بن دواریچ ، پشاور زلمی نے عبدالصمد، ناہید رانا، حسین طلعت جبکہ ملتان سلطانز نے محمد حسنین اور کامران غلام کا انتخاب کیا ہے۔
پی ایس ایل سلور کیٹیگری راؤنڈ 1
ایچ بی ایل پاکستان سپر لیگ 10 کی سلور کیٹیگری راؤنڈ 1 میں ’ملتان سلطان‘ نے عاکف جاوید، کراچی کنگز نے میر حمزہ، اسلام آباد یونائیٹڈ نے سلمان ارشاد، لاہور قلندرز نے آصف آفریدی، کوئٹہ گلیڈی ایٹرز نے خرم شہزاد جبکہ پشاور زلمی نے احمد دھنیال کا انتخاب کیا ہے۔
پی ایس ایل سلور کیٹیگری راؤنڈ 2
ایچ بی ایل پاکستان سپر لیگ 10 کی سلور کیٹیگری راؤنڈ 2 میں پشاور زلمی نے افغانستان کے نجیب اللہ زدران، کوئٹہ گلیڈی ایٹرز نے حسیب اللہ خان، کراچی کنگز نے لٹن داس، اسلام آباد یونائیٹڈ نے محمد نواز، لاہور قلندرز نے آصف علی، ملتان سلطان نے طیب طاہر کا انتخاب کیا ہے۔
Silver Round 2 picks summarised 📋
➡️ Multan Sultans use the Right to Match card for Tayyab Tahir #HBLPSLDraft | #DECADEOFHBLPSL pic.twitter.com/n75uqF82ri
— PakistanSuperLeague (@thePSLt20) January 13, 2025
سلور کیٹیگری راؤنڈ 3
ایچ بی ایل پاکستان سپر لیگ 10 کی سلور کیٹیگری راؤنڈ 2 کے دوسرے مرحلے میں لاہور قلندر نے راشد حسین اور محمد اخلاق، اسلام آباد یونائیٹڈ نے اینڈریزگوس، ملتان سلطان نے گوڈاکیش موتئی، کوئٹہ گلیڈی ایٹرز نے کائل جیمیسن کا انتخاب کیا۔
پاکستان سپر لیگ کے دسویں ایڈیشن کے ڈارفٹ کے لیے دنیا بھر سے معروف کرکٹرز نے رجسٹریشن کرا رکھی تھی۔ نیوزی لینڈ کے کین ولیمسن، ڈیرل مچل، ٹم ساؤتھی، مارک چیپ مین، آسٹریلیا کے ڈیوڈ وارنر،عثمان خواجہ، میتھیو شارٹ، شان ایبٹ جبکہ انگلینڈ کے جیسن روئے، ایلکس ہیلز، زیک کرولی، بنگلا دیش کے مستفیض الرحمان، شکیب الحسن اور افغانستان کے مجیب الرحمٰان سمیت بڑی تعداد میں غیرملکی کھلاڑی ڈرافٹ میں شامل ہیں۔
واضح رہے کہ پی ایس ایل کا 10 واں سیزن رواں سال 8 اپریل سے 19 مئی کے درمیان کھیلا جائے گا۔
رواں ماہ کے اوائل میں 6 فرنچائزز نے پاکستان سپر لیگ (پی ایس ایل) سیزن 10 کے پلیئرز ڈرافٹ سے قبل اپنی ٹیم کو برقرار رکھنے کا اعلان کیا تھا۔
ہر فرنچائز کو اپنے پچھلے اسکواڈ سے زیادہ سے زیادہ 8 کھلاڑیوں کو برقرار رکھنے کی اجازت دی گئی تھی۔ کراچی کنگز، ملتان سلطانز اور پشاور زلمی کے علاوہ 3 فرنچائزز نے 7،7 کھلاڑیوں کو برقرار رکھا۔
حتمی اسکواڈ
اسلام آباد یونائیٹڈ
اسلام آباد یونائیٹڈ میں میتھیو شارٹ، نسیم شاہ اور شاداب خان (آل پلاٹینم)، عماد وسیم (مینٹور) اور اعظم خان، جیسن ہولڈر (دونوں ڈائمنڈ)، بین دوہوئس، سلمان ارشاد، سلمان علی آغا (برانڈ ایمبیسیڈر) اور حیدر علی (آل گولڈ)، اینڈریز گوس، کولن منرو، محمد نواز اور رومان رئیس (آل سلور)، حنین شاہ اور سعد مسعود (دونوں ایمرجنگ) جبکہ سپلیمنٹری کھلاڑیوں میں رائلی میریڈتھ اور راسی وان ڈر ڈوسن شامل ہو ئے ہیں۔
ملتان سلطانز
ملتان سلطانز میں مائیکل بریسویل، محمد رضوان اور اسامہ میر (آل پلاٹینم)، ڈیوڈ ولی (مینٹور)، افتخار احمد (برانڈ ایمبیسیڈر) اور عثمان خان (آل ڈائمنڈ)، کرس جارڈن، کامران غلام اور محمد حسنین (آل گولڈ)، عاکف جاوید، گڈکیش موتی، جوش لٹل، فیصل اکرم اور طیب طاہر (آل سلور)، عبید شاہ اور شاہد عزیز (دونوں ایمرجنگ) جبکہ سپلیمنٹری کھلاڑیوں میں جانسن چارلس، محمد عامر برکی، شائی ہوپ اور یاسر خان شامل ہوئے ہیں۔
پشاور زلمی
پشاور زلمی میں بابر اعظم، صائم ایوب، ٹام کوہلر کیڈمور (آل پلاٹینم)، کوربن بوش، محمد علی اور محمد حارث (آل ڈائمنڈ)، عبدالصمد، حسین طلعت اور ناہید رانا (آل گولڈ)، عارف یعقوب، نجیب اللہ زدران، میکس برائنٹ، مہران ممتاز اور سفیان مقیم (برانڈ ایمبیسیڈر)، علی رضا اور معاذ صداقت (دونوں ایمرجنگ) اور سپلیمنٹری کیٹیگری میں احمد دانیال اور الزاری جوزف شامل ہوئے ہیں۔
کوئٹہ گلیڈی ایٹرز
کوئٹہ گلیڈی ایٹرز کی ٹیم میں فہیم اشرف، فن ایلن اور مارک چیپمین (پلاٹینم)، ابرار احمد، محمد عامر اور رلی روسو (آل ڈائمنڈ)، عقیل حسین، سعود شکیل (برانڈ ایمبیسیڈر) اور محمد وسیم جنر (آل گولڈ)، حسیب اللہ خان، خواجہ محمد نافع، کائل جیمیسن، خرم شہزاد اور عثمان طارق (آل سلور)، محمد ذیشان اور حسن نواز (دونوں ایمرجنگ) جبکہ سپلیمنٹری کھلاڑیوں میں دانش عزیز، کوشل مینڈس، شان ایبٹ اور شعیب ملک شامل ہیں۔
کراچی کنگز
کراچی کنگزکی ٹیم میں ایڈم ملن، ڈیوڈ وارنر اور محمد عباس آفریدی (پلاٹینم)، حسن علی اور جیمز ونس، خوشدل شاہ (آل ڈائمنڈ)، عامر جمال، محمد عرفان خان اور شان مسعود (آل گولڈ)، عرفات منہاس (برانڈ ایمبیسیڈر)، لٹن داس، میر حمزہ، ٹم سیفرٹ اور زاہد محمود (آل سلور)، فواد علی اور ریاض اللہ (ایمرجنگ) جبکہ سپلیمنٹری کھلاڑیوں میں کین ولیمسن، محمد نبی، عمیر بن یوسف، مرزا مامون شامل ہوئے ہیں۔
لاہور قلندرز
لاہور قلندرز کی ٹیم میں ڈیرل مچل، فخر زمان اور شاہین شاہ آفریدی (آل پلاٹینم)، حارث رؤف (برانڈ ایمبیسیڈر)، کوشل پریرا اور سکندر رضا (آل ڈائمنڈ)، عبداللہ شفیق، جہانداد خان اور زمان خان (آل گولڈ)، آصف آفریدی، آصف علی، ڈیوڈ ویزے، محمد اخلاق اور رشاد حسین (آل سلور)، محمد عزب اور مومن قمر (دونوں ایمرجنگ) جبکہ سپلیمنٹری کیٹیگری میں محمد نعیم، سیم بلنگز، سلمان علی مرزا اور ٹام کرن شامل ہوئے ہیں۔
