پی ایس ایل سیزن 10 میں کراچی کنگز نے لاہور قلندرز کو 4 وکٹوں سے ہرادیا۔
قذافی اسٹیڈیم لاہور میں پی ایس ایل 2025 کے 26 ویں میچ میں لاہور قلندرز کی جانب سے دیے گئے 161 رنز کے ہدف کے تعاقب میں کراچی کنگزنے مطلوبہ اسکور 14 اعشاریہ 3 اوورز میں بنالیا۔ بارش سے میچ متاثر ہونے کے باعث مقررہ اوورز کی تعداد 15 کردی گئی تھی۔
فاتح ٹیم کے عرفان خان 48 رنز ناٹ آؤٹ کے ساتھ نمایاں رہے۔ لاہور قلندرز کی جانب سے ڈیرل مچل، حارث رؤف نے 2،2 اور عامر جمال نے ایک وکٹ حاصل کی۔
کراچی کنگز کے کپتان ڈیوڈ وارنر نے ٹاس جیت کر لاہور قلندرز کے خلاف پہلے فیلڈنگ کا فیصلہ کیا۔
یہ بھی پڑھیں: پی ایس ایل 10: کوئٹہ گلیڈی ایٹرز نے اسلام آباد یونائیٹڈ کو 2 وکٹوں سے شکست دیدی
لاہور قلندرز نے پہلے بیٹنگ کرتے ہوئے برقرفتاری سے اپنے رنز کو آگے بڑھایا، لاہور قلندرز 7.5 اوورز میں ایک وکٹ کے نقصان پر 90 رنز بنالیے تھے کہ بارش شروع گئی، بعد میں یہ میچ 15 اوورز تک محدود کردیا گیا، لاہور قلندرز کے اوپنر محمد نعیم 29 بالز پر 65 رنز بناکر آؤٹ ہوے، محمد نعیم نے 23 گیندوں پر اپنی ففٹی مکمل کی،فخرزمان 51 رنز بنا کر نمایاں رہے۔
لاہور قلندرز کی جانب سے عبداللہ شفیق نے 18 رنز بنائے، اس کے علاوہ لاہور قلندرز کا کوئی بھی کھلاڑی ڈبل فگر میں داخل نہ ہوسکا، لاہور قلندرز نے 15 اوورز میں 8 وکٹوں کے نقصان پر 160 رنز بنائے۔
یہ بھی پڑھیں: پی ایس ایل 10: ملتان سلطانز ٹرافی کی دوڑ سے آؤٹ، پوائنٹس ٹیبل پر کس ٹیم کا کونسا نمبر ہے؟
کراچی کنگز کی جانب سے عباس آفریدی نے عمدہ بولنگ کرتے ہوئے 27 رنز دیکر 3 وکٹیں حاصل کیں، میرحمزہ، عامرجمال اور حسن علی نے 1، 1 وکٹ حاصل کی۔
پلیئنگ 11 اسکواڈ
لاہور قلندرز کے اسکواڈ میں فخر زمان، محمد نعیم، عبداللہ شفیق، ڈیرل مچل، سیم بلنگز (وکٹ کیپر)، سکندر رضا، آصف علی، رشاد حسین، شاہین آفریدی (کپتان)، حارث رؤف اور آصف آفریدی شامل ہیں۔
کراچی کنگز کے اسکواڈ میں ڈیوڈ وارنر (کپتان)، ٹم شیفرٹ، جیمز ونس، سعد بیگ، محمد عرفان خان، خوشدل شاہ، محمد نبی، عامر جمال، عباس آفریدی، حسن علی اور میر حمزہ شامل ہیں۔
ہیڈ ٹو ہیڈ
دونوں ٹیمیں اب تک پی ایس ایل کی تاریخ میں 20 مرتبہ آمنے سامنے آئی ہیں، کراچی کنگز نے 13 میچز میں کامیابی سمیٹی جبکہ لاہور قلندرز صرف 7میچ جیت سکی۔
