امریکا کے صدر ڈونلڈ ٹرمپ نے پاکستان اور بھارت کے درمیان کشیدگی ختم کرنے کے لیے مدد کی پیش کردی۔
غیرملکی میڈیا رپورٹس کے مطابق ڈونلڈ ٹرمپ نے بھارت کی جانب سے پاکستان پر میزائل حملوں اور پھر پاکستان کی جانب سے جوابی کارروائی کے بعد کی صورت حال پر لب کشائی کی ہے۔
یہ بھی پڑھیں بھارت کو فاش غلطی کا خمیازہ ضرور بھگتنا ہوگا، وزیراعظم محمد شہباز شریف کا قوم سے خطاب
وائٹ ہاؤس میں میڈیا سے گفتگو کرتے ہوئے امریکی صدر نے کہاکہ میرے پاکستان اور بھارت کے حکمرانوں کے ساتھ اچھے تعلقات ہیں، دونوں اپنا حساب برابر کر چکے ہیں، اب چاہیے کہ معاملہ حل کرلیں۔
انہوں نے پیشکش کی کہ وہ پاکستان اور بھارت کے درمیان تنازع کو کم کرنے کے لیے مدد کو تیار ہیں۔
واضح رہے کہ بھارت نے گزشتہ رات پاکستان میں 6 مقامات پر میزائل حملے کیے جس کے نتیجے میں اب تک 31 شہریوں کی شہادت کی تصدیق ہو چکی ہے، جبکہ 71 زخمی ہیں۔
یہ بھی پڑھیں کب، کیسے اور کہاں، مسلح افواج کو جواب دینے کا مکمل اختیار مل گیا
پاکستان نے بھی بھارت جارحیت کا بھرپور جواب دیا، اور 5 جنگی جہاز تباہ کرنے سمیت بریگیڈ ہیڈکوارٹر بھی تباہ کردیا، اس کے علاوہ ایل او سی پر بھی متعدد پوسٹیں تباہ کی ہیں۔
