آپریشن بنیان مرصوص میں بھارتی افواج کی تاریخی شکست پر بھارتی سیاست میں آیا بھونچال سنبھلنے کا نام نہیں لے رہا، کانگریسی رہنما اور لوک سبھا میں اپوزیشن لیڈر راہول گاندھی نے وزیر اعظم نریندر مودی سے مطالبہ کیا ہے کہ وہ خالی بھاشن دینے کے بجائے ان کے 3 سوالوں کے جواب دیں۔
یہ بھی پڑھیں:راہول گاندھی نے بھارتی میڈیا کا پول کھول دیا
سماجی رابطے کی ویب سائٹ ایکس پر اپنی ایک پوسٹ میں راہول گاندھی نے بھارتی وزیر اعظم نریندر مودی کی تقریر کی ویڈیو ٹیگ کرتے ہوئے وزیر اعظم سے کھوکھلی تقریریں بند کرنے کا مطالبہ دہرایا، انہوں نے واضح طور پر لکھا کہ وزیر اعظم نریندر مودی نے ہندوستان کی عزت پر سمجھوتہ کیا ہے۔
मोदी जी, खोखले भाषण देना बंद कीजिए।
सिर्फ इतना बताइए:
1. आतंकवाद पर आपने पाकिस्तान की बात पर भरोसा क्यों किया?
2. ट्रंप के सामने झुककर आपने भारत के हितों की कुर्बानी क्यों दी?
3. आपका ख़ून सिर्फ़ कैमरों के सामने ही क्यों गरम होता है?आपने भारत के सम्मान से समझौता कर लिया! pic.twitter.com/HhjqbjDsaB
— Rahul Gandhi (@RahulGandhi) May 22, 2025
راہول گاندھی نے وزیر اعظم نریندر مودی کو مخاطب کرتے ہوئے کہا ہے کہ وہ انہیں بس یہ بتادیں کہ انہوں نے دہشت گردی پر پاکستان کے بیان پر کیوں یقین کیا۔ ’آپ نے ٹرمپ کے سامنے جھک کر ہندوستان کے مفادات کو کیوں قربان کیا اور آپ کا خون صرف کیمروں کے سامنے ہی کیوں ابلتا ہے۔‘
حالیہ پاک بھارت کشیدگی کے بعد بھارت کی ذلت آمیز شکست پر کانگریسی ایم ایل اے وجے واڈیٹیوار نے بھی گزشتہ روز مودی سرکار اور بھارتی افواج پر تابڑ توڑ حملے کرتے ہوئے مہنگی دفاعی خریداری اور ناقص حکمت عملی پر انہیں آڑے ہاتھوں لیا۔
کانگریس کے ایم ایل اے وجے واڈیٹیوار نے مودی کی جنگی سوچ کو ناکام قرار دیتے ہوئے کہا کہ پاکستان نے سستے ڈرونز بھارت بھیجے، بھارت نے اربوں جھونک دیے، چین نے پاکستان کو 5 ہزار ڈرونز دے کر بھارت کی کمزوری بے نقاب کر دی، مودی سرکار اربوں جھونکتی رہی۔
مزید پڑھیں:راہول گاندھی کا درود بھیجتے ہوئے پیغمبر اسلام ﷺ کی تعلیمات کا حوالہ، ویڈیو وائرل
کانگریسی ایم ایل اے کے مطابق مودی سرکار نے 15 ہزار کے ڈرون گرانے کے لیے 15 لاکھ کا میزائل فائر کیا، مودی سرکار کی جنگی حکمت عملی مکمل طور پر ناکام، 5 ہزار سستے پاکستانی ڈرونز کے سامنے بھارتی دفاع بےبس ہوگئے، پاکستان نے کم لاگت میں حملہ کیا، بھارت نے عوام کے ٹیکس کا پیسہ بےدریغ ضائع کیا۔
دفاعی ماہرین کے مطابق وزیر اعظم مودی کی خود پسندی نے قومی سلامتی داؤ پر لگا دی، صرف مہنگے ہتھیار کافی نہیں، بھارتی حکمت عملی مکمل طور پر ناکام ہو چکی ہے۔
