لندن کے میئر صادق خان، جو 2016 سے اس عہدے پر فائز ہیں، کو گزشتہ روز بکنگھم پیلس میں بادشاہ چارلس III نے نائٹ بناتے ہوئے شاندار اعزاز سے نوازا۔
اس تقریب سے خطاب میں صادق خان نے کا کہنا تھا کہ یہ اعزاز اُن کے لیے ’بے حد عاجز کن لمحہ‘ ہے، اور انہوں نے اپنے والدین، خاندان اور لندن کے عوام کا شکریہ ادا کیا، جن کی محنت اور عزم نے انہیں اس مقام تک پہنچایا۔
یہ بھی پڑھیں:لندن کا مشہور ’گریگز ساسیج رول‘ مادام تساؤ میوزیم تک کیسے پہنچا؟
بادشاہ چارلس نے تقریب میں مزاحیہ انداز اختیار کرتے ہوئے اپنی اور صادق خان کی محنت پسندی پر بات چیت کی، اور نائٹ بنانے میں تاخیر پر معذرت کی، جسے خان نے خوش دلی سے قبول کیا ۔
صادق خان نے کہا کہ ہم نے بس یہ طے کیا تھا کہ کون زیادہ محنتی ہے۔
انہوں نے اس اعزاز کو ایک ترغیب قرار دیا کہ اگر محنت کی جائے اور مقصد کی راہ ہموار ہو، تو کامیابی ممکن ہے۔
صادق خان نے اپنے بیان میں کہا کہ میں کبھی خواب بھی نہیں دیکھ سکتا تھا کہ ایک دن میں لندن کا میئر بنوں گا اور آج بادشاہ کے ہاتھوں نائٹ کا خطاب پاؤں گا۔
خان نے لندن کو ’منصفانہ، محفوظ، سبز اور خوشحال شہر‘ بنانے کا عزم دہرایا اور کہا کہ وہ اپنی ذمہ داریوں کو بھرپور طریقے سے نبھائیں گے۔
یاد رہے کہ صادق خان لندن کے پہلے مسلم اور اولین غیر سفید فام میئر ہیں جنہیں نائٹ کا خطاب دیا گیا، اور وہ تیسری بار کامیابی کے بعد ایک بار پھر عوامی خدمت کے عہد پر قائم دکھائی دیتے
