سوشل میڈیا پر ایک ویڈیو وائرل ہو رہی ہے جس میں ایک غیر ملکی سیاح ہنزہ کی عطا آباد جھیل میں ہوٹل کی سیوریج اور غلاظت کی شکایت کرتا نظر آ رہا ہے جس کے بعد ضلعی انتظامیہ حرکت میں آئی اور انہوں نے عطاآباد جھیل میں آلودگی پھیلانے کے الزام میں ہوٹل کے ایک حصے کو سیل کر کے 15 لاکھ روپے جرمانہ عائد کر دیا ہے۔ حکام نے مزید کہا کہ عطا آباد جھیل کے کنارے تمام ہوٹلوں کا معائنہ کیا جائے گا۔
سوشل میڈیا پر وائرل ہونے والی ویڈیو میں سیاح نے جھیل کے صاف پانی اور گندے پانی کے درمیان فرق دکھایا اور بتایا کہ اس سے جھیل کی خوبصورتی مانند پڑ رہی ہے جس کی وجہ جھیل پر واقع ہوٹل ہے۔
سیاحوں کا کہنا تھا کہ چند سال قبل جھیل کا پانی بالکل صاف ستھرا تھا اور اب آپ دیکھ سکتے ہیں کہ جھیل کا نیلا پانی گدلا ہو چکا ہے جو کالے رنگ میں تبدیل ہو گیا ہے اور اس میں سے بدبو آ رہی ہے۔
ہوٹل کے waste یعنی گھٹر کا پانی جھیل عطا آباد میں پھینکا جا رہا ہے۔ غیر ملکی سیاح بھی دیکھ کر تشویش اور ناگواری کا اظہار کر رہے ہیں۔
George is rightly concerned and disgusted by this. Hotel waste is being dumped in the Attabad lake. pic.twitter.com/ABGEvs1rEO
— Ather Kazmi (@2Kazmi) June 16, 2025
غیر ملکی سیاحوں کی ویڈیو سوشل میڈیا پر وائرل ہوئی تو صارفین کی جانب سے اس پر مختلف تبصرے کیے گئے۔ ایک صارف نے لکھا کہ ہنزہ میں ایک مشہور ہوٹل اپنا سیوریج کا پانی جھیل میں چھوڑ رہا ہے جو کہ واضح دیکھا جا سکتا ہے جس سے نہ صرف جھیل کی خوبصورتی ماند پڑ رہی ہے بلکہ بدبو بھی پیدا ہو رہی ہے۔ یہ بات ایک غیر ملکی ویلاگر بتا رہا ہے لوکل انتظامیہ کہاں ہے؟
ہنزہ میں ایک مشہور ہوٹل اپنا سیوریج کا پانی جھیل میں چھوڑ رہا ہے جو کہ واضح دیکھا جا سکتا ہے جس سے نہ صرف جھیل کی خوبصورتی ماند پڑ رہی ہے بلکہ بدبو بھی پیدا ہو رہی ہے۔
یہ بات ایک گورا ویلاگر بتا رہا ہے لوکل انتظامیہ کہاں ہے؟ pic.twitter.com/uSVxJsiJ2t— کیڑےمکوڑے (@Form_45) June 16, 2025
گلگت بلتستان ٹوارزم نامی پیج نے ویڈیو شیئر کرتے ہوئے کہا کہ اگر واقعی میں گندا پانی عطا آباد جھیل میں چھوڑا جا رہا ہے تو متعلقہ ہوٹل کے خلاف کارروائی ہونی چاہیے۔ خوش آئند بات یہ ہے کہ گلگت بلتستان کی حکومت نے اس معاملے پر ایکشن لیا ہے۔ یہ سوشل میڈیا کی طاقت کا ثبوت ہے اور امید ہے کہ جھیل کو صاف اور محفوظ رکھا جائے گا۔
غیر ملکی سیاح کی نشاندہی پر بنائی گئی ویڈیو وائرل ہونے کے بعد، سوشل میڈیا کی طاقت سے جھیل پر موجود ہوٹل کے خلاف کارروائی کی گئی۔ یہی ہوتی ہے سوشل میڈیا کی اصل طاقت، جس نے آواز بن کر جھیل کو صاف اور محفوظ بنانے کی امید جگائی۔ ان شاء اللہ عطا آباد جھیل جلد صاف ستھری ہو جائے گی
— Gilgit Baltistan Tourism. (@GBTourism_) June 18, 2025
وزیر دفاع خواجہ آصف نے کہا کہ یہ ملک دشمنی ہے، ہوٹل کا نام بھی بتائیں۔ کاروباری مصلحت کا شکار نہ ہوں۔
یہ ملک دشمنی ھے ۔ ھوٹل کا نامُ بھی بتائیں ۔ کاروباری مصلحت کا شکار نہ ھوں https://t.co/dernaeCrRW
— Khawaja M. Asif (@KhawajaMAsif) June 17, 2025
