گلگت ایئرپورٹ پر فل اسکیل ایئرپورٹ ایمرجنسی ایکسرسائز کامیابی سے منعقد کی گئی۔
مشق کی نگرانی ایئرپورٹ منیجر نے کی جس کا آغاز ایک جامع بریفنگ سے ہوا جس میں ہنگامی ردعمل کے اقدامات اور ادارہ جاتی ہم آہنگی پر روشنی ڈالی گئی۔
یہ بھی پڑھیے: تربت ایئرپورٹ پر دہشتگردوں کا حملہ ناکام، سیکیورٹی فورسز نے چاروں دہشتگرد مار ڈالے
مشق کا مقصد یہ جانچنا تھا کہ ہنگامی صورتحال میں تمام اسٹیک ہولڈرز کتنی افادیت اور باہمی تعاون کے ساتھ ایمرجنسی سے نمٹنے ہیں۔ مشق میں افواج، ہوائی اڈے کے افسران، قانون نافذ کرنے والے ادارے، ریسکیو، انٹیلیجنس، ایئرلائن سروسز اور ضلعی انتظامیہ کے نمائندوں نے فعال شرکت کی۔
مشق کا مشاہدہ مختلف سیکیورٹی، انٹیلیجنس اور ریسکیو ایجنسیوں کے نمائندوں نے کیا جو کہ ہوابازی کی سلامتی کے حوالے سے مشترکہ عزم کا مظہر ہے۔ یہ مشق بین الادارہ تعاون کو مضبوط بنانے اور ہنگامی ردعمل کی مجموعی صلاحیتوں میں اضافہ کا باعث بنی۔
