پاکستان کی آئی ٹی برآمدات مالی سال 2025 کے اختتام پر ریکارڈ 3.8 ارب ڈالر کی بلند ترین سطح پر پہنچ گئیں۔ یہ اضافہ اسپیشل انویسٹمنٹ فیسلیٹیشن کونسل (SIFC) اور وزارت آئی ٹی کی مربوط حکمت عملی کا نتیجہ ہے۔
وزارتِ آئی ٹی کے مطابق، آئی ٹی، آئی ٹی ای ایس اور فری لانسرز کی برآمدات میں مجموعی طور پر 18 فیصد اضافہ ہوا، جس سے دنیا بھر میں پاکستان کی شناخت مزید مستحکم ہوئی ہے۔
مزید پڑھیں: ایس آئی ایف سی وژن 2031 کے تحت منصوبے تیز، توانائی کے شعبے کی خود انحصاری کی جانب پیشقدمی
وزیراعظم شہباز شریف کی قیادت میں وزارتِ آئی ٹی نے ٹیلنٹ کی تربیت، ڈیجیٹل ادائیگیوں، تیز رفتار انٹرنیٹ، اور سازگار پالیسیوں پر خصوصی توجہ دی، جس سے ڈیجیٹل معیشت میں نمایاں ترقی ممکن ہوئی۔
پاکستان 2030 تک آئی ٹی برآمدات کو 15 ارب ڈالر تک پہنچانے کے ہدف کی جانب پرعزم ہے۔ حکومت اور SIFC کے مؤثر اقدامات سے پاکستان کی ڈیجیٹل معیشت مضبوط بنیادوں پر استوار ہو رہی ہے۔
