فارمنگ اورا کی طرز پر منایا جانے والا جشن سوشل میڈیا پر ایک نیا وائرل رجحان بن چکا ہے، جو حال ہی میں کرکٹ کے میدان میں بھی کافی مقبول ہو رہا ہے۔ پاکستان کے فاسٹ بولر حارث رؤف نے تیسرے ٹی20 میچ میں ویسٹ انڈیز کے بیٹسمین جیول اینڈریو کو آؤٹ کرنے کے بعد اسی انداز میں جشن منایا۔
حارث رؤف کی جانب سے انڈونیشین بچے کے انداز میں وکٹ لینے کے بعد کیا گیا یہ جشن سوشل میڈیا پر خاصی شہرت حاصل کر رہا ہے۔ یہ واقعہ پانچویں اوور میں پیش آیا جب حارث نے جیول اینڈریو کو 24 رنز پر آؤٹ کیا۔
haris rauf aura farming 😭😹 pic.twitter.com/RxtRnvnjZj
— Daud (@Cleanbowled564) August 4, 2025
سوشل میڈیا صارفین نے حارث رؤف کی سیلبریشن پر مختلف تبصرے کے۔ اقدس رحمان نے لکھا کہ حارث رؤف کی تعریف کرتے ہوئے لکھا کہ ان کی سیلیبریشن کمال کی تھی۔
حارث رؤف کی پہلی وکٹ اور حسن علی کا زبردست کیچ، حارث رؤف کی سیلیبریشن کمال کی تھی۔ pic.twitter.com/m7jkV7F5jR
— Aqdas Rehman (@AqdasRehman) August 4, 2025
ایک صارف نے سوال کیا کہ کیا حارث رؤف سچ میں یہ کر رہے ہیں؟
What is he doing is this real https://t.co/yNDtjZuPHN
— Asam (@Asam__A) August 4, 2025
جہاں کئی صارفین ان کی تعریف کرتے نظر آئے وہیں چند صارفین نے انہیں تنقید کا نشانہ بھی بنایا، ایک صارف کا کہنا تھا کہ یہ بس یہی کر سکتے ہیں ہیں، انہوں نے بولر کو آڑے ہاتھوں لیتے ہوئے کہا کہ ’ایک میچ میں وکٹ باقی میں رنز کھا کر سر پکڑ لے گا‘۔
Bus yehi kar skta hai ye, eik match mei wicket baaki matches mei run khaa kar sar pakar lega! Chwl jeya https://t.co/17jIWfwuI4
— Terapiyo 🇵🇰 (@turjaidron) August 4, 2025
مریم نامی صارف کا کہنا تھا شادی میں لڑکے ایسے ڈانس کرتے ہیں۔
shadi mein that's how boys dance 😭 https://t.co/w9kuVtOPEf
— Maryam 🇵🇰 (@Maryam__S123) August 4, 2025
واضح رہے کہ گزشتہ ماہ انڈونیشیا کے ایک بچے کی ویڈیو سوشل میڈیا پر وائرل ہوئی تھی، جس میں وہ کشتی ریس کے دوران اپنی ٹیم کا حوصلہ بڑھانے کے لیے ایک منفرد ڈانس کر رہا تھا، جسے ’فارمنگ اورا ‘ کا نام دیا گیا۔ یہ ڈانس عالمی سطح پر بہت مقبول ہوا اور کئی مشہور شخصیات نے بھی اسے اپنایا۔
یاد رہے کہ امریکی ریاست فلوریڈا کے شہر لاؤڈرہل میں کھیلے گئے تیسرے ٹی20 میچ میں پاکستان نے ویسٹ انڈیز کو 13 رنز سے شکست دے کر تین میچوں کی سیریز دو ایک سے جیت لی ہے۔
