فلم میلہ میں اپنے کردارکی وجہ سے مشہوربھارتی اداکار فیصل خان نے اپنے بھائی اداکار اور ہدایتکار عامر خان کے ساتھ کشیدہ تعلقات پر بات کرتے ہوئے ایک برس تک قید تنہائی میں رکھے جانے کا الزام عائد کیا ہے۔
بھارتی انٹرٹینمنٹ اورلائف اسٹائل پلیٹ فارم پِنک ولا کے ساتھ ایک انٹرویو میں فیصل خان نے الزام لگایا کہ ان کے خاندان نے انہیں اس دعوے کی بنیاد پر ایک سال تک گھر میں قید کر رکھا تھا کہ انہیں شیزوفرینیا لاحق ہے اوران کا رویہ غیر مستحکم ہے۔
یہ بھی پڑھیں: ’ہاتھ جوڑ کر معافی مانگتا ہوں میں نے جھوٹ بولا‘، عامر خان نے ایسا کیوں کہا؟
’مجھے قید کر کے رکھا تھا گھر میں ایک سال، اور وہ کہہ رہے تھے کہ مجھے شیزوفرینیا ہے، میں پاگل ہوں اور معاشرے کے لیے خطرہ ہوں، جے جے اسپتال میں مجھے 20 دن رکھا گیا، ٹیسٹ کیے گئے، جنرل وارڈ میں، ذہنی مریضوں کے ساتھ ۔‘
شیزوفرینیا ایک نفسیاتی بیماری ہے جس کے مختلف علامات افراد میں مختلف ہوتی ہیں اور بیماری کے دورانیے کے دوران بھی تبدیلی آتی رہتی ہے، بنگلورکے فورٹس اسپتال سے وابستہ کنسلٹنٹ کلینیکل سائیکولوجسٹ اکَنکشا پانڈے کے مطابق ہر شیزوفرینیا کے مریض کو تمام علامات نہیں ہوتیں۔
مزید پڑھیں: پولیس کی بھاری نفری اداکار عامر خان کے گھر کیوں پہنچی؟ وجہ سامنے آگئی
’شیزوفرینیا کا بروقت نفسیاتی علاج ضروری ہے، جس میں تشخیص کے لیے معیاری انٹرویوز اوراسکریننگ ٹولز کا استعمال کیا جاتا ہے، ملیریا یا ٹائیفائیڈ جیسی انفیکشن کے برخلاف، شیزوفرینیا کا کوئی علاج نہیں ہے۔‘
اکَنکشا پانڈے کا کہنا تھا کہ علاج کا مقصد علامات کو ختم کرنا اور بیماری کی دوبارہ شدت سے بچانا ہے، جتنا جلد علاج شروع ہواوربےعلاج نفسیاتی بیماری کا دورانیہ کم ہو، نتائج اتنے ہی بہتر ہوتے ہیں۔
