پاکستان ون ڈے ٹیم کے کپتان شاہین آفریدی نے کہا ہے کہ ان کا بیٹا بڑا ہوکر کرکٹر بنے یا فٹبالر اس کی اپنی مرضی ہوگی۔
لاہور میں قلندرز ہائی پرفارمنس سینٹر کے دورے کے موقع پر میڈیا سے گفتگو کرتے ہوئے ایک سوال کے جواب میں شاہین آفریدی نے کہا کہ ان کا بیٹا بڑا ہوکر کرکٹر بنے یا فٹبالر یہ اس کی اپنی مرضی ہوگی، اگر وہ کرکٹر بنتا ہے تو اچھا ہوگا لیکن یہ سوال نہ اٹھ جائے کہ یہ شاہین آفریدی کا بیٹا ہے تو اس لیے پاکستان ٹیم میں آیا ہے۔
شاہین آفریدی کا بیٹا بڑا ہو کر کیا بنے گا؟ pic.twitter.com/n40gx55HGE
— HUM News (@humnewspakistan) January 7, 2026
یہ بھی پڑھیں: ’میری کپتانی میں بھی شاہین آفریدی کپتان ہی تھے‘ محمد رضوان نے ایسا کیوں کہا؟
شاہین آفریدی نے کہا کہ پاکستان نے گزشتہ عرصے میں شاندار کرکٹ پیش کی ہے اور ورلڈ کپ سے قبل سری لنکا میں سیریز کھیلنا کھلاڑیوں کے لیے مفید ہوگا۔ انہوں نے کہا کہ ہر کھلاڑی کی کوشش ہوتی ہے کہ وہ ملک کے لیے بہترین کھیل پیش کرے۔
کپتان پاکستان ون ڈے ٹیم نے پی ایس ایل میں لاہور قلندرز کے حوالے سے کہا کہ ٹیم اس مرتبہ بھی عمدہ کھیل پیش کرے گی اور ٹائٹل جیتنے کی بھرپور کوشش کرے گی۔ ان کا کہنا تھا کہ ٹیم کا مقصد جیت کے ساتھ ساتھ ملک کے لیے نئے کرکٹرز تیار کرنا بھی ہے۔
بگ بیش میں آپ کی اور بابراعظم کی پرفارمنسZERO رہی۔۔بابراعظم سے تو رنز ہی نہیں بنے!!صحافی کے سوال پر شاہین شاہ آفریدی پہلے مسکرائے پھر اپنے اور بابراعظم بارے کیا کہا؟ویڈیو دیکھیں#PublicNews #PublicUpdates pic.twitter.com/BQo08wMMlX
— Public News (@PublicNews_Com) January 7, 2026
یہ بھی پڑھیں: سری لنکا کو ون ڈے سیریز میں وائٹ واش کرنے کا کریڈٹ کسے جاتا ہے؟ شاہین آفریدی نے بتا دیا
شاہین آفریدی نے اپنے گھٹنے کی انجری کے بارے میں کہا کہ یہ سنجیدہ نوعیت کی نہیں، صرف سوجن ہے اور وہ جلد صحتیاب ہو جائیں گے، اگلے ہفتے بولنگ شروع کر دیں گے۔ بگ بیش لیگ میں بابر اعظم کی بیٹنگ پر تبصرہ کرتے ہوئے انہوں نے کہا کہ ضروری نہیں کہ وہ ہر میچ میں ففٹی بنائیں۔
شاہین آفریدی نے بھارت کا نام لیے بغیر کہا کہ سرحد پار ٹیموں میں اسپورٹس مین اسپرٹ کی کمی دیکھی گئی ہے اور پاکستان کی کوشش ہے کہ اس کا جواب گراؤنڈ میں دیں گے۔
