خیبرپختونخوا کے مختلف اضلاع میں حالیہ مون سون بارشوں اور اس کے نتیجے میں آنے والے سیلاب نے شدید تباہی مچائی ہے، جس کے باعث متعدد قیمتی جانوں کے ضیاع اور بڑے پیمانے پر مالی نقصان کی اطلاعات موصول ہو رہی ہیں۔
سوشل میڈیا پلیٹ پر شیئر کی گئی ویڈیوز میں دیکھا جا سکتا ہے کہ تیز پانی کا بہاؤ گھروں، دکانوں اور سڑکوں کو بہا لے جا رہا ہے جبکہ کئی مقامات پر لوگ اپنی مدد آپ کے تحت محفوظ مقامات کی طرف نقل مکانی کر رہے ہیں۔ کچھ ویڈیوز میں ریسکیو ٹیموں کی جانب سے امدادی کارروائیاں بھی دکھائی گئی ہیں، جن میں کشتیوں اور رسیوں کے ذریعے پھنسے ہوئے افراد کو نکالا جا رہا ہے۔
سیلاب کی تباہیوں کے بعد لوگ دکانوں کی ویڈیوز بھی شیئر کر رہے ہیں جس میں خوفناک تباہی کے مناظر دیکھے جا سکتے ہیں۔ ایک صارف نے سیلاب کے بعد سوات کی چائنا مارکیٹ کی ویڈیو شیئر کرتے ہوئے لکھا کہ یہ مارکیٹ ایسا منظر پیش کر رہی ہے جیسے ہر دکان، ہر گلی، ہر لمحہ تباہی اور خوف کی داستان سناتا ہو اور یہ بہت دل دہلا دینے والا ہے۔
سیلاب کے بعد سوات کی چائنا مارکیٹ ایسا منظر پیش کر رہی ہےجیسے ہر دکان، ہر گلی، ہر لمحہ تباہی اور خوف کی داستان سناتا ہو۔ دل دہلانے والا۔۔👇👇
pic.twitter.com/R22meVppy4— WAQAR SATTI 🇵🇰 (@waqarsatti) August 17, 2025
خالد خان سپاری نے ایک ویڈیو شیئر کرتے ہوئے کہا کہ سوات میں سیلابی ریلا گارمنٹس مارکیٹ بازار سے گزرا ہے جس کی وجہ سے لوگوں کے کاروبار تباہ ہوچکے ہیں۔ سارا مال پانی میں بہہ چکا ہے اور دکانیں تباہ ہوچکی ہیں۔
سوات میں سیلابی ریلا گارمنٹس مارکیٹ بازار سے گزرا ہے جسکی وجہ سے لوگوں کے کاروبار تباہ ہوچکے ہیں۔💔🥹
سارا مال پانی میں بہہ چکا ہے دوکانیں تباہ ہوچکی ہے۔ pic.twitter.com/pf49Nj5ojy— Khalid Khan Supari (@SupariKhan) August 16, 2025
ہرمیت سنگھ نے لکھا کہ ضلع بونیر کے علاقے پیر بابا کے مرکزی بازار میں تباہی کے مناظر دل دہلا دینے والے ہیں۔ سیلابی ریلوں اور ملبے نے دکانوں، سڑکوں اور بجلی کے کھمبوں کو زمین بوس کر دیا۔ کئی دکانداروں کا سارا سامان پانی اور کیچڑ میں بہہ گیا، جبکہ ملبے کے ڈھیر کے درمیان مقامی لوگ اپنے ہاتھوں سے سامان نکالنے کی کوشش کر رہے ہیں۔
ضلع بونیر کے علاقے پیر بابا کے مرکزی بازار میں تباہی کے مناظر دل دہلا دینے والے ہیں۔ سیلابی ریلوں اور ملبے نے دکانوں، سڑکوں اور بجلی کے کھمبوں کو زمین بوس کر دیا۔ کئی دکانداروں کا سارا سامان پانی اور کیچڑ میں بہہ گیا، جبکہ ملبے کے ڈھیر کے درمیان مقامی لوگ اپنے ہاتھوں سے سامان… pic.twitter.com/FsDswX8BHG
— Harmeet Singh (@HarmeetSinghPk) August 15, 2025
ایک صارف نے لکھا کہ سوات کے عوام ایک لمبے عرصے سے مصیبتوں کا شکار ہیں اب یہ ایک اور افتاد آن پڑی۔ خیبرپختونخوا حکومت کو لوگوں کے کاروبار کے نقصان کی تلافی دینی چاہیے ان کی مکمل بحالی تک چین نہی لینا چاہیے۔
سوات میں سیلاب کے بعد کے مناظر سوات کے عوام ایک لمبے عرصے سے مصیبتوں کا شکار ہیں اب یہ ایک اور افتاد آن پڑی بہت غربت بھی ہے اور اب یہ حال چیک کریں کے پی کی حکومت کو لوگوں کے کاروبار کے نقصان کی تلافی دینی چاہیے ان کی مکمل بحالی تک چین نہی لینا چاہیے pic.twitter.com/bNwvWXaZ5a
— RAShahzaddk (@RShahzaddk) August 17, 2025
محمد حیات نے ایک ویڈیو شیئر کی جس میں ایک دراز سے پیسے اور سونے کی انگوٹھیاں نکلیں جنہیں سیلاب اپنے ساتھ بہا لایا تھا انہوں نے لکھا کہ حالیہ سیلاب سے متاثرہ افراد کے مالی و جانی نقصان پر دل انتہائی دکھی ہے۔ اللہ تعالیٰ متاثرہ خاندانوں کو صبر جمیل عطا فرمائے اور اپنے غیبی خزانوں سے ان کے نقصان کی تلافی فرمائے۔
حالیہ سیلاب سے متاثرہ افراد کے مالی و جانی نقصان پر دل انتہائی دکھی ہے۔۔
اللہ تعالیٰ متاثرہ خاندانوں کو صبر جمیل عطا فرمائے اور اپنے غیبی خزانوں سے ان کے نقصان کی تلافی فرمائے!! pic.twitter.com/5Xgz9qPLRB— Mohammad Hayat (@mofarooka) August 17, 2025
واضح رہے کہ محکمہ موسمیات نے آئندہ دنوں میں مزید بارشوں کی پیش گوئی کرتے ہوئے الرٹ جاری کیا ہے، اور شہریوں سے اپیل کی گئی ہے کہ وہ احتیاطی تدابیر اختیار کریں۔
