دنیا بھر کے کرکٹ شائقین اس وقت حیرانی سے دوچار ہوئے جب بدھ کے روز بھارت کے 2 بڑے بیٹسمین، روہت شرما اور ویرات کوہلی اچانک آئی سی سی ون ڈے بیٹنگ رینکنگ سے خارج کر دیے گئے۔
واضح رہے کہ آئی سی سی کی ون ڈے بیٹنگ رینکنگ میں روہت شرما دوسرے نمبر اور ویرات کوہلی چوتھے نمبر پر موجود تھے اور دونوں طویل عرصے سے ٹاپ 10 میں شامل رہے ہیں۔
یہ بھی پڑھیں:بھارتی کھلاڑی ویرات کوہلی کی تازہ تصویر نے مداحوں کو چونکا دیا
تاہم بدھ کی صبح شائقین کرکٹ نے دیکھا کہ نہ صرف یہ دونوں ٹاپ 10 میں موجود نہیں بلکہ ٹاپ 100 میں بھی ان کے نام شامل نہیں، جس کے بعد ان کے ممکنہ ریٹائرمنٹ کی افواہیں شدت اختیار کر گئیں۔
https://Twitter.com/isharmax45/status/1958089569380839474?ref_src=twsrc%5Etfw%7Ctwcamp%5Etweetembed%7Ctwterm%5E1958089569380839474%7Ctwgr%5E97296e329e82f8e7c1fb1bc3215de47e17d73307%7Ctwcon%5Es1_&ref_url=https%3A%2F%2Fsports.ndtv.com%2Fcricket%2Fvirat-kohli-rohit-sharma-removed-from-odi-ranking-charts-retirement-speculation-storms-internet-9123029
گزشتہ ہفتے تک روہت شرما اور ویرات کوہلی مضبوطی سے ٹاپ 10 میں موجود تھے، درحقیقت روہت شرما بابراعظم کی ویسٹ انڈیز کے خلاف ناقص کارکردگی کے بعد تیسرے سے دوسرے نمبر پر آگئے تھے۔
اس وقت بھارت کے شبھمن گل رینکنگ میں پہلے نمبر پر موجود ہیں، جبکہ روہت اور کوہلی کے اچانک اخراج کے باعث شریاس آئیر 8ویں نمبر سے چھٹے نمبر پر پہنچ گئے ہیں۔
مزید پڑھیں:روہت شرما پر 4 کھلاڑی لگائیں، ہر صبح 10 کلومیٹر دوڑائیں، یوگراج سنگھ
ابھی تک یہ واضح نہیں ہو سکا کہ روہت اور کوہلی کو رینکنگ سے کیوں ہٹایا گیا، نہ تو دونوں کھلاڑیوں نے باضابطہ طور پر ریٹائرمنٹ کا اعلان کیا ہے اور نہ ہی وہ طویل عرصے سے غیر فعال رہے ہیں، یاد رہے کہ دونوں اس سال بھارت کی چیمپیئنز ٹرافی 2025 کی فاتح ٹیم کا حصہ تھے۔
یہ صورتحال اس وقت سامنے آئی ہے جب روہت اور کوہلی کے ون ڈے مستقبل پر قیاس آرائیاں بڑھ رہی ہیں، انگلینڈ کے خلاف حالیہ ٹیسٹ سیریز میں شبھمن گل کی قیادت میں بھارت کی نوجوان ٹیم نے 2-2 سے سیریز برابر کر کے متاثر کن کارکردگی دکھائی، جس کے بعد یہ سوال زور پکڑ گیا ہے کہ آیا یہ دونوں سینیئر بیٹسمین مستقبل میں ون ڈے ٹیم میں اپنی جگہ برقرار رکھ سکیں گے یا نہیں۔
مزید پڑھیں:روہت شرما کرکٹ لیجنڈ عمران خان کے ساتھ تاریخ کے شاندار کپتانوں میں شامل
روہت شرما کی عمر اس وقت 38 سال اور ویرات کوہلی 36 سال کے ہیں، دونوں اب صرف ون ڈے کرکٹ میں سرگرم ہیں، کیوں کہ انہوں نے 2024 میں ٹی20 اور 2025 کے اوائل میں ٹیسٹ کرکٹ سے ریٹائرمنٹ لے لی تھی۔
