آزاد کشمیر میں مون سون بارشوں نے کس قدر تباہی مچائی؟

آزاد کشمیر میں حالیہ مون سون بارشوں نے شدید تباہی مچا دی ہے۔ اسٹیٹ ڈیزاسٹر مینجمنٹ اتھارٹی (ایس ڈی ایم اے) کی رپورٹ کے مطابق بارشوں اور لینڈ سلائیڈنگ کے مختلف واقعات میں اب تک 22 افراد جاں بحق اور 28 زخمی ہو چکے ہیں۔

سب سے زیادہ متاثرہ علاقے

نیلم، جہلم ویلی اور پونچھ ان بارشوں سے سب سے زیادہ متاثر ہوئے ہیں۔

نقصانات کی تفصیل

مجموعی طور پر 957 مکانات متاثر ہوئے۔ ان میں سے 192 مکانات مکمل طور پر تباہ ہو گئے جبکہ 765 کو جزوی نقصان پہنچا۔ 25 پل اور 200 کلومیٹر طویل سڑکیں تباہ ہو گئیں۔ 4 اسکول اور 1 صحت مرکز بھی متاثر ہوا۔  نیلم میں12 ہائیڈرو پاور یونٹس اور 59 واٹر سپلائی اسکیمیں ناکارہ ہو گئیں  جبکہ باغ میں بجلی کے کھمبے متاثر ہوئے۔ پونچھ میں بجلی کا نظام شدید متاثر ہوا۔

کاروبار و مال مویشی

213 مویشی ہلاک ہوئے۔ 50 دکانیں مکمل تباہ ہوئیں۔

آئندہ خطرہ

ڈی جی ایس ڈی ایم اے نے خبردار کیا ہے کہ بارشوں کا ایک اور اسپیل متوقع ہے، اس لیے تمام متعلقہ اداروں اور عوام کو ہائی الرٹ رہنے کی ہدایت کی گئی ہے۔