باجوڑ ضلعی انتظامیہ نے کہا ہے کہ تحصیل لوئی ماموند کے گاؤں ترخو میں سیکیورٹی فورسز کی کارروائی کے بعد علاقہ مکمل طور پر کلیئر کر دیا گیا ہے اور حالات معمول پر آ گئے ہیں۔
یہ بھی پڑھیں:باجوڑ ہیلی کاپٹر حادثے میں شہید 5 اہلکاروں کی نمازِ جنازہ ادا
انتظامیہ کے مطابق ریاست کی مکمل عملداری بحال ہو چکی ہے۔ ترخو کے رہائشی اب اپنے گھروں کو واپس جا سکتے ہیں اور پُرامن زندگی گزار سکتے ہیں۔ ریاست نے انہیں مکمل تحفظ اور معاونت فراہم کرنے کی یقین دہانی کرائی ہے۔
اعلامیے میں کہا گیا کہ گاؤں کے عوام کے صبر و تحمل اور قربانیوں کو خراج تحسین پیش کیا جاتا ہے۔ ضلعی انتظامیہ نے عزم ظاہر کیا ہے کہ متاثرہ خاندانوں کی باعزت اور محفوظ واپسی یقینی بنائی جائے گی۔
یہ بھی پڑھیں:باجوڑ کے مختلف علاقوں میں دہشتگردوں کے خلاف کارروائی جاری، دفعہ 144 نافذ
مزید بتایا گیا ہے کہ متاثرہ خاندانوں کی واپسی مرحلہ وار اور منظم طریقے سے ہوگی، جس کے لیے متعلقہ علاقوں کی کلیئرنس کے بعد انتظامات کیے جائیں گے۔
