پیغام رسانی کی مقبول ایپ واٹس ایپ نے ایک نیا فیچر متعارف کرانے کی تیاری کرلی ہے جس کے ذریعے صارفین گروپ چیٹ میں بیک وقت تمام ممبران کو الرٹ کر سکیں گے۔
اس فیچر کے تحت صارفین صرف @everyone لکھ کر پورے گروپ کو بیک وقت نوٹیفائی کرسکیں گے، چاہے کچھ افراد نے چیٹ کو میوٹ ہی کیوں نہ کررکھا ہو۔
یہ بھی پڑھیں: واٹس ایپ نے چیٹس میں لائیو فوٹوز بھیجنے کی سہولت متعارف کرا دی
ٹیکنالوجی ویب سائٹ ڈبلیو اے بیٹا انفو کے مطابق یہ فیچر خاص طور پر اُن گروپس کے لیے مفید ہوگا جہاں ممبران کی تعداد زیادہ ہو اور اہم پیغامات فوری طور پر سب تک پہنچانا ضروری ہو۔
ماضی میں ممبران کو الگ الگ مینشن کرنا پڑتا تھا، تاہم یہ نیا طریقہ زیادہ آسان اور موثر ثابت ہوگا۔
دلچسپ بات یہ ہے کہ یہ سہولت صرف گروپ ایڈمنز تک محدود نہیں ہوگی بلکہ گروپ کے تمام ارکان استعمال کر سکیں گے، البتہ امکان ہے کہ آئندہ اپ ڈیٹس میں ایڈمنز کو اختیار دیا جائے کہ وہ چاہیں تو اس فیچر کو صرف اپنے لیے محدود کر دیں۔
یہ بھی پڑھیں: آئی فون پر واٹس ایپ استعمال کرنے والوں کے لیے بڑی خبر، اہم الرٹ جاری ہوگیا
یہ فیچر فی الحال تیاری کے مراحل میں ہے اور جلد ہی دنیا بھر کے صارفین کے لیے اپ ڈیٹس کے ذریعے دستیاب ہوگا۔
واٹس ایپ ایک اور نیا فیچر بھی متعارف کرا رہا ہے جس کے ذریعے صارفین اسٹیٹس پرائیویسی سیٹنگز کو تیزی سے اور آسانی کے ساتھ ایک نئے انٹرفیس کے ذریعے کنٹرول کرسکیں گے۔
