پاکستانی ڈرامہ انڈسٹری کی سینئر اداکارہ صائمہ قریشی کا کہنا ہے کہ مرد ناجائز تعلقات میں ملوث ہونے کے بجائے دوسری شادی کر لیں۔
صائمہ قریشی حال ہی میں ایک پوڈ کاسٹ میں شریک ہوئیں، جس کی میزبانی عدنان فیصل نے کی۔ اس پوڈکاسٹ میں انہوں نے مردوں کی متعدد شادیوں سے متعلق اپنے بیان کا دفاع کیا۔
یہ بھی پڑھیں: دوسری شادی کی اجازت کیوں نہ دی، شوہر کے ہاتھوں بیوی کا قتل
انہوں نے کہا کہ مرد افیئر چلانے کے بجائے نکاح کر لیں، کسی کی زندگی برباد نہ کریں۔ مرد کا ایک غلط فیصلہ نسلیں برباد کر سکتا ہے۔ اگر آپ غلط راستے پر چلیں گے تو کل آپ کا گھر اور بچے متاثر ہوں گے، حرام کام کرنے کی بجائے دوسرا نکاح کر لیں۔
View this post on Instagram
اداکارہ کا مزید کہنا تھا کہ میرے خیال میں 95 فیصد مرد دوسری شادی کرنا چاہتے ہیں اور جب آپ ناجائز تعلقات رکھ سکتے ہیں اور کوئی کچھ نہیں کہتا، تو نکاح کیوں نہیں کر سکتے؟ نکاح میں بے شمار رکاوٹیں ہیں لیکن حرام راستہ بہت آسان ہے اور مردوں کو کسی کے جذبات سے کھیلتے ہوئے ڈرنا چاہیے، کل کو ان کی اپنی اولاد بھی بڑی ہوگی۔
یہ بھی پڑھیں: ’پہلی بیوی خود شوہر کا دوسرا نکاح کرائے‘، دوسری شادی کے خواہشمندوں کے لیے بڑی خوشخبری
ان کا کہنا تھا کہ اپنی بیوی کو اعتماد میں لے کر دوسری شادی کرلیں لیکن اگر کسی کی بیوی اجازت نہیں دیتی تو ضروری نہیں ہے کہ آپ اس سے اجازت لیں کیونکہ اسلام میں تو ایسا کچھ نہیں ہے۔ اور ایسی خواتین بھی ہیں جنہوں نے اپنے شوہروں کو دوسری شادی کی اجازت دی ہے اور دونوں بیویاں ایک ہی گھر میں رہتی ہیں۔
