سابق وزیر اطلاعات فردوس عاشق اعوان نے صائم ایوب کو جارحانہ کرکٹ کھیلنے کا مشورہ دیا ہے۔
سابق وزیراطلاعات فردوس عاشق نے میڈیا سے گفتگو میں کہا کہ صائم میں آپ کو کہنا چاہوں گی کہ آپ کے اندر potential ہے لیکن ابھی سردیاں نہیں آئیں کہ انڈے ہی کھانے ہیں، اس سے باہر نکلو۔
یہ بھی پڑھیں: صفر کی بہار، صائم ایوب نے ایشیا کپ میں کتنے ناپسندیدہ ریکارڈ اپنے نام کرلیے؟
فردوس عاشق اعوان نے صائم ایوب کو مشورہ دیا کہ اپنی نیچرل گیم کھیلو، تم جس طرح خوف سے شاٹیں مار رہے ہو یہ تمہارا معیار نہیں ہے اور پہلی بال پر آؤٹ ہونا یہ ہماری بھی بے عزتی ہے۔
لیجنڈری کرکٹر فردوس عاشق اعوان صاحبہ کے پاک بھارت میچ سے پہلے صائم ایوب کے لیے مفید مشورے 😃😃 pic.twitter.com/eGhYHtHNRo
— Umar Ali (@Umar_AliX) September 27, 2025
انہوں نے کہا کہ بھارت کو دھونے کے بعد آؤٹ ہو تو ہمیں ٹھنڈ پڑجائے گی، ذرا تھوڑا طور پر تیار ہوکر دباؤ سے باہر آؤ۔
ان کا کہنا تھا کہ پاکستان انڈیا کا ایشیا کپ کے فائنل میں ٹاکرا ہونے جارہا ہے۔’میں اپنے شاہینوں کو کہنا چاہتی ہوں کہ ہم نے رافیل گرائے، ہم نے انڈیا کے تکبر اور غرور کو ملیا میٹ کیا،افواج پاکستان کا جو کام تھا انہوں نے کیا،اب میں کھیل کے میدان میں اترنے والے اپنے محافظوں کو کہنا چاہتی ہوں کہ وہ ہندوستان کو ایک مرتبہ پھر 10 مئی یاد کروادیں۔ ‘
یہ بھی پڑھیں: گول کے بعد ’چائے‘ کا اشارہ، حارث رؤف اور صاحبزادہ فرحان کے بعد محمد عبداللہ کی ویڈیو وائرل
انہوں نے کہا کہ کہا ٹیم کی شکل میں ہمارے سپاہی ایشیا کپ کے فائنل میں ہندوستان سے ٹکرانے جارہے ہیں، ہمارے سپاہی اپنا بھروپو انپٹ دیں۔
انہوں نے صاحبزادہ فرحان کو بھی مشورہ دیا کہ وہ پہلا اوور ذرا روک کے کھیلیں، سیدھی شاٹس نہ ماریں، انہوں نے وکٹ کیپر محمد حارث کے بارے میں کہا کہ وہ کافی اچھی شاٹس کھیلتے ہیں۔’میں آپ کو کہنا چاہوں گی کہ ہر گیند چھکے والی نہیں ہوتی، آخری اوور تک جاؤ، آپ کے اندر یہ پوٹینشل ہے کہ آخری اوور تک جاؤ اور آخری اوور میں رسک لو، پہلی بال پر رسک نہ لو۔
