سینیٹ کا اجلاس جمعرات، 27 نومبر 2025 کو شام 4 بجے ہوا جس کا آغاز تلاوت قرآن پاک سے کیا گیا اور اس کے بعد مختلف شعبوں سے متعلق سوالات کے جوابات دیے گئے۔
یہ بھی پڑھیں:نوشہرہ میں نامعلوم موٹرسائیکل سواروں کی فائرنگ سے صحافی قتل
سینیٹر سید علی ظفر، چیئرمین اسٹینڈنگ کمیٹی برائے اطلاعات و نشریات، نے مرحوم سینیٹر عرفان الحق صدیقی کے 15 جولائی 2025 کو اٹھائے گئے صحافیوں کے مسائل پر کمیٹی کی رپورٹ پیش کی جس میں صحافیوں کے تحفظ اور ان کے مسائل کے حل کے لیے سفارشات شامل تھیں۔
نیشنل فوڈ سیکیورٹی اور ریسرچ کے وزیر رانا تنویر حسین نے اسٹینڈنگ کمیٹی کی رپورٹ کے مطابق نیشنل ایگری ٹریڈ اینڈ فوڈ سیفٹی اتھارٹی بل 2025 پر مزید غور کے لیے تحریک پیش کی اور اس کی منظوری کی درخواست کی۔
یہ بھی پڑھیں:خضدار: یوم صحافت پر صحافی قتل، کیا مولانا صدیق مینگل کو کوئی تھریٹ تھا؟
اجلاس میں سینیٹر جان محمد نے وزیر خزانہ و ریونیو کی توجہ موجودہ اور سابق پارلیمنٹیرینز کے بینک اکاؤنٹس بلاک کیے جانے کی پالیسی کی وضاحت کی طرف دلائی، جبکہ سینیٹر محمد طلحہ محمود نے وزیر مواصلات کی توجہ چترال سے دیگر علاقوں کو جوڑنے والی سڑکوں کی خستہ حالت اور اس کی بحالی کے اقدامات کی طرف دلائی۔
اجلاس میں ملک کے زرعی اور غذائی سیکٹر کی بہتری، صحافیوں کے مسائل اور بنیادی انفراسٹرکچر کی ترقی کے لیے اقدامات پر زور دیا گیا۔
