ٹک ٹاک نے چھوٹے اور درمیانے درجے کے کاروبار کی ترقی کے لیے نیا اشتہاری فیچر متعارف کرا دیا ہے، اس نئے اقدام کے تحت پاکستان میں سیلف سروس اشتہاری حل لانچ کیا گیا ہے، جس کا مقصد ایس ایم بیز کو اپنی برانڈ گروتھ بڑھانے میں مدد فراہم کرنا ہے۔
یہ بھی پڑھیں: ٹک ٹاک نے پاکستان میں مزید ڈھائی کروڑ ویڈیوز ڈیلیٹ کردیں
ٹک ٹاک فار بزنس ایڈز منیجر کے ذریعے چھوٹے اور درمیانے کاروبار ٹک ٹاک کمیونٹی کی تخلیقی صلاحیتوں سے فائدہ اٹھا سکتے ہیں، نئے صارفین تک رسائی حاصل کرسکتے ہیں اور اپنی مارکیٹنگ مہمات کو بہتر بنا سکتے ہیں۔
یہ پلیٹ فارم استعمال میں آسان اور کم لاگت ہے، جس کے ذریعے مقامی کاروباری افراد، گھریلو برانڈز اور ابھرتے ہوئے کاروبار صارفین سے براہ راست جڑ سکتے ہیں۔
ٹک ٹاک کا مؤقف
ٹک ٹاک کی گلوبل بزنس سلوشنز ٹیم کے مطابق پاکستان کے چھوٹے کاروبار خطے کے تخلیقی ترین کاروباروں میں شمار ہوتے ہیں اور یہ نیا فیچر ان کی ترقی میں معاون ثابت ہوگا۔ ٹک ٹاک کے مطابق اس پلیٹ فارم پر برانڈز بامعنی مواد تخلیق کر کے کمیونٹیز سے جڑ سکتے ہیں اور اپنی کہانی مؤثر انداز میں پیش کر سکتے ہیں۔
یہ بھی پڑھیں: سورا 2 ریلیز: اوپن اے آئی کا یوٹیوب اور ٹک ٹاک کو پیچھے چھوڑنے کا عزم
یہ فیچر ٹک ٹاک کے اس جاری منصوبے کا حصہ ہے جس کے تحت مقامی کاروباری مالکان کو مختلف اقدامات کے ذریعے سپورٹ کیا جارہا ہے، جن میں گرو ود ٹک ٹاک ماسٹرکلاس بھی شامل ہے۔ مقصد یہ ہے کہ کاروبار ڈیجیٹل دنیا میں خود کو مضبوط بنا سکیں۔
صارفین کے رجحانات
حالیہ تحقیق کے مطابق دنیا بھر میں 73 فیصد ٹک ٹاک صارفین نے بتایا کہ انہوں نے اشتہارات کے ذریعے نئی مصنوعات کے بارے میں جانا، جبکہ 78 فیصد صارفین نے پلیٹ فارم پر نئی برانڈز دریافت کیں۔
ایڈز منیجر کیسے کام کرتا ہے
ٹک ٹاک کا سیلف سروس ایڈز منیجر ہر سائز کے کاروبار کو اشتہارات بنانے، بجٹ منظم کرنے اور کارکردگی کو ٹریک کرنے کی سہولت دیتا ہے، وہ بھی بغیر کسی خصوصی مہارت کے۔ بڑھتے ہوئے آن لائن شاپنگ رجحان کے پیش نظر یہ ٹولز پاکستانی کاروباروں کو مقامی ہی نہیں بلکہ عالمی سطح پر بھی اپنی موجودگی بڑھانے میں مدد دیں گے۔
ٹک ٹاک ایڈز منیجر کی نمایاں خصوصیات
تخلیقی ٹولز
کاروبار اپنی برانڈ کہانی کو مؤثر اور حقیقی انداز میں پیش کرسکتے ہیں۔
لچکدار بجٹ
اشتہارات کے لیے بجٹ کو کسی بھی وقت ایڈجسٹ کیا جا سکتا ہے اور استعمال کا طریقہ کار نہایت آسان ہے۔
اسمارٹ ٹارگٹنگ
جدید ٹارگٹنگ سسٹم کے ذریعے نئے صارفین تک رسائی اور کسٹمر انگیجمنٹ میں اضافہ ممکن ہے۔
ٹک ٹاک کا یہ نیا فیچر پاکستان میں چھوٹے اور درمیانے کاروباروں کے لیے ڈیجیٹل مارکیٹنگ کے نئے مواقع کھولنے کی امید رکھتا ہے۔
