صدرِ مملکت آصف علی زرداری اور وزیرِاعظم شہباز شریف نے بنگلہ دیش کی سابق وزیرِاعظم بیگم خالدہ ضیاء کے انتقال پر گہرے دکھ اور افسوس کا اظہار کیا ہے۔
یہ بھی پڑھیے بنگلہ دیش کی پہلی خاتون وزیرِ اعظم بیگم خالدہ ضیاء انتقال کر گئیں
صدر آصف علی زرداری نے سماجی رابطے کی ویب سائٹ ایکس (سابق ٹوئٹر) پر اپنے پیغام میں مرحومہ کے اہلِ خانہ اور بنگلہ دیش کے عوام سے دلی تعزیت کا اظہار کیا۔ انہوں نے کہا کہ بیگم خالدہ ضیاء کی قیادت اور خدمات کو ہمیشہ احترام کے ساتھ یاد رکھا جائے گا۔ صدر مملکت نے مرحومہ کی مغفرت اور درجات کی بلندی کے لیے دعا بھی کی۔
President Asif Ali Zardari is deeply grieved by the passing of Begum Khaleda Zia, former Prime Minister of Bangladesh. He extends heartfelt condolences to her family & the people of Bangladesh. Her leadership & services will be remembered with respect. May her soul rest in peace.
— The President of Pakistan (@PresOfPakistan) December 30, 2025
وزیرِاعظم شہباز شریف نے بھی ایکس پر جاری اپنے تعزیتی پیغام میں کہا کہ بنگلہ دیش کی سابق وزیرِاعظم اور بنگلہ دیش نیشنلسٹ پارٹی (بی این پی) کی چیئرپرسن کی اپنے ملک کے لیے طویل عوامی خدمات، ترقی اور خوشحالی کے لیے کی جانے والی کوششیں ایک دیرپا ورثہ چھوڑ گئی ہیں۔
Deeply saddened by the passing of Begum Khaleda Zia, Chairperson of the BNP and former Prime Minister of Bangladesh. Her lifelong service to Bangladesh and its growth and development leaves a lasting legacy.
Begum Zia was a committed friend of Pakistan. My Government and the…
— Shehbaz Sharif (@CMShehbaz) December 30, 2025
وزیرِاعظم نے کہا کہ بیگم خالدہ ضیاء پاکستان کی ایک مخلص دوست تھیں۔ انہوں نے کہا کہ اس غم کی گھڑی میں پاکستان، بنگلہ دیش کے عوام کے ساتھ کھڑا ہے۔ وزیرِاعظم کے مطابق اس مشکل وقت میں ہماری ہمدردیاں اور دعائیں مرحومہ کے اہلِ خانہ، دوستوں اور بنگلہ دیش کے عوام کے ساتھ ہیں۔ انہوں نے بھی مرحومہ کی روح کے ایصالِ ثواب کے لیے دعا کی۔
