سماجی رابطے کی ویب سائٹ انسٹا گرام پر ایک ایسی ویڈیو شیئرکی گئی ہے جس میں ایک بندر آدمی کی عینک چھین کر پہن لیتا ہے۔لیکن پھر اس بندر سے عینک وہیں موجود ایک عورت چھین لیتی ہے۔
انسٹا گرام پر شیئر کی جانے والی اس ویڈیو میں دیکھا جا سکتا ہے کہ ایک آدمی سیڑھیاں چڑھ کر اوپر کی طرف آرہا ہوتا ہے۔
سیڑھیوں کے بائیں جانب موجود دیوار پر ایک بندر اس آدمی کو اوپر آتے ہوئے دیکھ رہا ہوتا ہے۔جیسے ہی آدمی بندر کے قریب پہنچتا ہے تو بندر ایک ہاتھ آدمی کے کندے پر رکھتا ہے اور دوسرے ہاتھ سے اس کی عینک اتار لیتا ہے۔
آدمی کے پیچھےموجود باقی لوگ بندر کی اس حرکت کو دیکھ کر ہنسنے لگ جاتے ہیں۔
بندر آدمی سے عینک چھین لینے کے بعد دیوار پر بیٹھ جاتا ہے اور عینک کو پہن لیتا ہے۔
اسی وقت وہاں موجود ایک عوورت بندر کے پاس آتی ہےاور اسے تھیلے میں ایک ہاتھ سے کھانے کی چیزیں نکال کر دیتی ہےاور دوسرے ہاتھ سےبندر سے عینک چھین لیتی ہے۔
View this post on Instagram
صارفین نے ویڈیو دیکھنے کے بعد اس پر دلچسپ تبصرے کیے۔ایک انسٹا گرام صارف نے لکھا خوش قسمت،بندر عینک لے کر درخت پر نہیں چڑھا۔
ایک صارف نے بندر سے عینک لینے والی خاتون کے بارے میں لکھا کہ یہ خاتون بہت ہی ہوشیار ہے۔ایک اور صارف نے لکھا کے اس سے ثابت ہوتا ہے کہ عورتیں بہت ہوشیار اور ذہین ہوتی ہیں۔
