دبئی کی روڈز اینڈ ٹرانسپورٹ اتھارٹی (RTA) نے اپنی 120 ویں اوپن نیلامی میں منفرد لائسنس پلیٹس کی فروخت سے ریکارڈ آمدنی حاصل کی، جو 109,026,000 درہم رہی۔ یہ اب تک کی سب سے بڑی نمبر پلیٹ نیلامی قرار دی جارہی ہے۔
نیلامی 27 دسمبر کو منعقد ہوئی جس میں بولی دہندگان نے 2، 3، 4 اور 5 ہندسوں والی منفرد نمبر پلیٹس حاصل کرنے کے لیے لاکھوں درہم کی پیشکش کی۔ نیلامی میں AA, BB, CC, K, N, O, R, T, U, V, W, X, Y، اور Z کوڈز کی 90 پلیٹس پیش کی گئیں۔
یہ بھی پڑھیں: برطانوی بادشاہ چارلس کے بچپن میں کاٹے گئے بال نیلامی کے لیے پیش، نائی نے کتنی قیمت لگائی؟
سب سے زیادہ بولی BB12 کے لیے ہوئی جو 9.66 ملین درہم میں نیلام ہوئی جبکہ دیگر اہم بولیاں AA25 – 8.04 ملین درہم میں فروخت ہوئی جس کی پاکستانی مالیت تقریباً 63 کروڑ روپے بنتی ہے، BB30 کی نمبر پلیٹ 6.74ملین درہم یعنی تقریباً 51.2 کروڑ روپے جبکہ CC100 کو 4.21 ملین درہم میں خریدا گیا جو پاکستانی کرنسی میں تقریباً 31.9 کروڑ روپے بنتے ہیں۔
نیلامی میں حصہ لینے کے لیے شرائط میں دبئی میں ٹریفک فائل کا ہونا، 25,000 درہم کا سیکیورٹی چیک، اور غیر واپسی پذیر 120 درہم کی رجسٹریشن فیس شامل تھی۔ ادائیگی ویب سائٹ کے ذریعے کریڈٹ کارڈ سے بھی ممکن تھی۔
یہ بھی پڑھیں: سونے سے بنا فن یا سرمایہ داری پر طنز؟ دنیا کا مہنگا ترین ٹوائلٹ نیلامی کے لیے تیار
RTA نے اس نیلامی کو شفافیت اور غیر جانبداری کے اصولوں کے تحت منعقد کیا تاکہ ہر کسی کو منفرد اور علامتی اہمیت رکھنے والی نمبر پلیٹس حاصل کرنے کا موقع مل سکے۔
