وزیراعظم محمد شہباز شریف نے مرحوم مہتمم اعلی مولانا فضل الرحیم اشرفی کی وفات پر تعزیت کے لیے جامعہ اشرفیہ لاہور کا دورہ کیا۔
وزیراعظم نے اس موقع پر موجودہ مہتمم اعلی مولانا قاری ارشد عبید سے ملاقات کی اور مرحوم مولانا فضل الرحیم اشرفی کے لیے فاتحہ خوانی اور دعا کی۔
وزیراعظم محمد شہباز شریف کی مرحوم مہتمم اعلی مولانا فضل الرحیم اشرفی کی تعزیت کے لیے جامعہ اشرفیہ لاہور آمد
جامعہ اشرفیہ لاہور میں وزیراعظم نے موجودہ مہتمم اعلی مولانا قاری ارشد عبید سے مولانا فضل الرحیم اشرفی، سابقہ مہتمم اعلی جامعہ اشرفیہ لاہور کی وفات پر تعزیت کی. نائب مہتمم… pic.twitter.com/HkzK0bM65i
— PTV News (@PTVNewsOfficial) January 11, 2026
اس موقع پر نائب مہتمم اعلی حافظ اسد عبید، نائب مہتمم و مرحوم کے صاحبزادے زبیر حسن اور ناظم اعلی قاری مولانا اویس حسن بھی موجود تھے۔
وزیراعظم نے مرحوم کی اسلام کے لیے خدمات کو عالمی سطح پر قدر کی نگاہ سے دیکھنے کی اہمیت پر زور دیا۔
انہوں نے اس دوران وہ لمحات بھی یاد کیے جب وہ اپنے والد میاں محمد شریف کے ساتھ جامعہ اشرفیہ لاہور میں طویل عرصے تک مسلسل نماز جمعہ کی ادائیگی کے لیے حاضر ہوتے رہے۔
وزیراعظم نے کہاکہ جامعہ اشرفیہ ہمیشہ امت مسلمہ کو متحد کرنے کا کردار ادا کرتی رہی ہے، جو ہر لحاظ سے قابل ستائش و تحسین ہے۔
مزید پڑھیں: ’مدارس کے معاملات پر سیاست نہیں ہونی چاہیے‘ مولانا فضل رحیم اشرفی کی وزیر داخلہ سے ملاقات
دورے کے دوران اسپیکر قومی اسمبلی سردار ایاز صادق، وفاقی وزیر اطلاعات و نشریات عطااللہ تارڑ اور معاون خصوصی طلحہ برکی بھی وزیراعظم کے ہمراہ موجود تھے۔
