حکومت نے سابق وزیر داخلہ شیخ رشید اور تحریک انصاف کے 9 رہنماؤں کے ڈپلومیٹک پاسپورٹ منسوخ کردیے ہیں۔
وزارت داخلہ کی ہدایت پر ڈائریکٹر جنرل پاسپورٹ ایند امیگریشن کی جانب سے جاری کردہ نوٹیفیکیشن کے مطابق تحریک انصاف کے نو رہنماؤں سمیت سابق وزیر داخلہ شیخ رشید کے ڈپلومیٹک پاسپورٹ کی منسوخ کردیے گئے ہیں۔
تحریک انصاف کے نو رہنماؤں میں سابق وزیر خارجہ شاہ محمود قریشی، سابق وزیر منصوبہ بندی اسد عمر، سابق وزیر دفاع پرویز خٹک، سابق وزیر ریلوے اعظم سواتی، سابق وزیر برائے پارلیمانی امور علی محمد خان اور سابق وزیر امور کشمیر علی امین گنڈا پور شامل ہیں، جن کے نیلے پاسپورٹ منسوخ کردیے گئے ہیں۔
ان پانچ سابق وفاقی وزراء کے علاوہ تحریک انصاف سے وابستہ سابق وزیر مملکت فرخ حبیب، سابق سربراہ بیت المال عون عباس بپی، اور سابق وزیر برائے موسمیاتی تبدیلی زرتاج گل کے ڈپلومیٹک پاسپورٹ بھی منسوخ کیےگئے ہیں۔
میں اللہ کےفضل سے ماں اورعوام کی دعاوں سے کرپشن سے پاک16مرتبہ وفاقی وزیررہاہوں اقوام متحدہ میں خطاب کیااورپاکستان کی ایٹمی ٹیکنالوجی کی خدمت کی زرداری نوازڈارکیطرح ملک سےنہیں بھاگالیکن آج میری شہریت پاسپورٹ منسوخ کردیےگئےہیں جب تک گرفتار نہیں ہوتاقوم میرےٹوئٹرکو فالوکر ے pic.twitter.com/POGNADjNjF
— Sheikh Rashid Ahmed (@ShkhRasheed) May 27, 2023
سربراہ عوامی مسلم لیگ شیخ رشید احمد نے اس خبر کا رد عمل ٹوئٹر پر دیتے ہوئے کہا ہے کہ جب تک وہ گرفتار نہیں ہوجاتے عوام انہیں ٹوئٹر پر فالو کرے۔
