پشاور سے تحریک انصاف کے سابق ایم این اے شوکت علی نے بھی پارٹی چھوڑنے کا اعلان کر دیا

پشاور سے پاکستان تحریک انصاف کے سابق ایم این اے شوکت علی نے پارٹی چھوڑنے کا اعلان کرتے ہوئے کہا پاکستان تحریک انصاف سے استعفی دے رہا ہوں۔ میں نے یہ فیصلہ 9 اور 10 مئی کو ہونے والے واقعات کی بناء پر کیا ہے۔

I Stand With #imranKhanPTI pic.twitter.com/D8ofp9Syn0

— Haji Shaukat Ali (@HShaukatAliPTI) May 17, 2023

پشاور پریس کلب میں پریس کانفرنس کرتے ہوئے شوکت علی نے کہا کہ 9 اور 10 مئی کے واقعات پر مجھے میرا ضمیر ملامت کر رہا ہے۔ فوج ہماری ہے، عوام ہمارے ہیں، میں جمہوریت پسند انسان ہوں 9 مئی کو جو کچھ ہوا وہ جمہوریت نہیں تھی۔

پشاور سے تحریک انصاف کے سابق ایم این اے شوکت علی نے کہا کہ میں نہیں چاہتا کہ پاکستان کے عوام اور پاک فوج آمنے سامنے ہوں۔ ملک ہوگا تو ہم ہوں گے، عوام پاک فوج کے شانہ بشانہ ہیں۔ انہوں نے کہا کہ وہ تحریک انصاف کی رکنیت سے بھی مستعفی ہوگئے ہیں اور ضمنی انتخابات کا ٹکٹ بھی واپس کر دیا ہے۔ انہوں نے کہا کہ مستقبل کا فیصلہ اپنے ساتھیوں کی مشاورت کے بعد کروں گا۔

I stand with My Leader @ImranKhanPTI #BehindYouSkipper#عمران_خان_ہماری_ریڈ_لائن

— Haji Shaukat Ali (@HShaukatAliPTI) May 17, 2023

یاد رہے کہ شوکت علی پشاور سے قومی اسمبلی کے حلقہ این اے 31 پشاور فور سے 2018 سے 2022 تک ممبر قومی اسمبلی رہے ہیں۔ شوکت علی 2018 کے عام انتخابات میں سینئر سیاستدان غلام احمد بلور کر شکست دیکر اسمبلی پہنچے تھے۔ 10 اپریل 2022 کو سابق وزیراعظم اور چیئرمین پی ٹی آئی عمران خان کے خلاف تحریک عدم اعتماد کی منظوری پر پارٹی چیئرمین کے حکم پر شوکت علی نے قومی اسمبلی سے استعفی دے دیا تھا۔