ڈی جی پی آر نے سیٹلائٹ دور میں داخل ہوتے ہوئے پہلی ڈی ایس این جی اینڈ او بی وین لانچ کر دی ہے، جس کا باقاعدہ افتتاح وزیراعلیٰ پنجاب مریم نواز نے کیا۔ جدید ترین اس وین کا مقصد پنجاب بھر میں ہائی کوالٹی لائیو نیوز کوریج اور آؤٹ ڈور براڈکاسٹنگ کو آسان بنانا ہے۔
یہ بھی پڑھیں:بسنت پاکستان کامثبت، ترقی پسند اور ثقافتی چہرہ دنیا کے سامنے پیش کرنے کا موقع ہے، مریم نواز کی بسنت پریزنٹیشن
افتتاحی تقریب کے دوران وزیراعلیٰ مریم نواز نے ڈی ایس این جی اینڈ او بی وین کا تفصیلی معائنہ کیا اور پراجیکٹ کے سٹاف سے ملاقات کی۔ صوبائی وزیر اطلاعات و ثقافت عظمیٰ زاہد بخاری نے بریفنگ دیتے ہوئے بتایا کہ اس وین میں پہلی مرتبہ ایڈوانس آرٹیفیشل انٹیلی جنس آڈیو ویڈیو ٹرانس میشن سسٹم انسٹال کیا گیا ہے، جو بلارکاوٹ، سیٹلائٹ اپ لنک اور براڈکاسٹنگ کو ممکن بنائے گا۔
بریفنگ کے مطابق ڈی ایس این جی اینڈ او بی وین موبائل لائیو سٹریمنگ، فیلڈ بیسڈ پروڈکشن پوسٹ اور اے آئی پاورڈ ڈرون کے استعمال کے لیے بھی قابلِ استعمال ہے۔ ڈی جی پی آر میں اس وین کے لیے گراؤنڈ اسٹیشن بھی فنکشنل کر دیا گیا ہے، جس سے پورے پنجاب میں تیز اور موثر خبریں نشر کرنے میں مدد ملے گی۔
وزیراعلیٰ مریم نواز نے اس موقع پر کہا کہ یہ جدید ٹیکنالوجی پنجاب میں میڈیا کوریج کے معیار کو بلند کرے گی اور عوام تک خبریں فوری اور درست طور پر پہنچانے میں مددگار ثابت ہوگی۔
