پاک بھارت ٹاکرا: قومی ٹیم کو بدترین شکست پر سوشل میڈیا صارفین برس پڑے، ٹیم سلیکشن پر سوالات

ٹی20 ورلڈ کپ کے اہم ٹاکرے میں بھارت نے پاکستان کو شکست دے دی ہے، جس کے بعد سوشل میڈیا صارفین قومی ٹیم پر تنقید کے نشتر برسا رہے ہیں۔

کولمبو کے پریماداسا اسٹیڈیم میں کھیلے گئے میچ میں قومی ٹیم کے کپتان سلمان علی آغا نے ٹاس جیت کر فیلڈنگ کا فیصلہ کیا، اور بھارت نے پہلے بیٹنگ کرتے ہوئے 7 وکٹوں کے نقصان پر 175 رنز اسکور کیے، تاہم جواب میں قومی ٹیم 18 اوورز میں 114 رنز بنا کر آؤٹ ہوگئی۔

مزید پڑھیں: پاکستانی بیٹرز ناکام، بھارت نے ٹی20 ورلڈ کپ کے اہم ٹاکرے میں پاکستان کو 61 رنز سے شکست دیدی

سوشل میڈیا صارفین جہاں قومی ٹیم پر تنقید کا نشانہ بنا رہے ہیں وہیں پاکستان کرکٹ بورڈ پر بھی سوالات اٹھائے جارہے ہیں۔

اسپورٹس جرنلسٹس عبدالغفار نے سماجی رابطے کی سائٹ ’ایکس‘ پر لکھا کہ ٹاس جیتنے کے باوجود پہلے فیلڈنگ کا فیصلہ مشکوک انتخاب ثابت ہوا۔

Match Summary – Poor Decisions in start and India innings

• Won the toss but chose to field first — questionable call.
• Wrong team selection — Fakhar & Salman Mirza should have played instead of Nawaz/Shadab & Shaheen.
• Shockingly introduced Usman Tariq after the 10th… pic.twitter.com/kFnY3eCnl6

— Abdul Ghaffar 🇵🇰 (@GhaffarSports) February 15, 2026

انہوں نے کہاکہ ٹیم سلیکشن درست نہیں تھی، محمد نواز، شاداب خان اور شاہین آفریدی کی جگہ فخر زمان اور سلمان مرزا کو کھلایا جانا چاہیے تھا۔

عبدالغفار نے مزید کہاکہ حیران کن طور پر عثمان طارق کو دسویں اوور کے بعد متعارف کرایا گیا، جبکہ آخری اوور شاہین آفریدی سے کرانا ایک ناقص فیصلہ ثابت ہوا، جبکہ ابرار اور شاداب مکمل طور پر ناکام رہے۔

عبدالغفار نے کہاکہ مجموعی کارکردگی مایوس کن رہی، حالانکہ پریماداسا اسٹیڈیم میں 176 رنز کا مجموعہ ہمیشہ میچ جتوانے کے لیے کافی سمجھا جاتا ہے، آج کے میچ میں ٹیم کی مجموعی کارکردگی مایوس کن رہی۔

سابق چیئرمین پی سی بی رمیز راجا نے کہاکہ بھارت گزشتہ 2 سے 3 سال سے پاکستان کے خلاف ایک ہی بولنگ اٹیک استعمال کر رہا ہے اور ہر بار پاکستانی بلے باز بہت ہی اوسط درجے کے کھیل کا مظاہرہ کرتے ہیں۔

Well that was a bit of a disaster- especially batting !! India have been fielding same bowling attack against Pakistan since last 2/3 years and every time batsmen have been woefully ordinary …no growth …

— Ramiz Raja (@iramizraja) February 15, 2026

معروف صحافی اویس یوسف زئی لکھا کہ اگر شاہد آفریدی اور ثقلین مشتاق کے دامادوں کے بجائے کسی اور کھلاڑی کو موقع دیا جاتا تو میچ کا منظرنامہ مختلف ہو سکتا تھا، دونوں کی کارکردگی بالکل خراب رہی۔

اگر شاہد آفریدی اور ثقلین مشتاق کے دامادوں کی جگہ کسی اور کھلاڑی کو جگہ دی جاتی تو شاید میچ کی صورتحال مختلف ہوتی۔ دونوں کی پرفارمنس بدترین رہی

— Awais Yousaf Zai (@awaisReporter) February 15, 2026

معروف اینکر پرسن شہزاد اقبال نے تنقید کرتے ہوئے لکھا کہ امریکا اور نمیبیا کے پارٹ ٹائم کھلاڑیوں نے بھی بھارت کو ہم سے زیادہ پریشان کیا۔

Part time players of USA and Namibia troubled India more than us 😏😏

— Shahzad Iqbal (@ShahzadIqbalGEO) February 15, 2026

جنید خان نامی صارف نے تنقید کرتے ہوئے لکھا کہ صرف شاداب خان، شاہین آفریدی اور ابرار کے مشترکہ 6 اوورز میں 86 رنز بنے۔

Shadab, Shaheen and Abrar’s 6 overs combined 86 runs conceded, this could be the difference for Pakistan
Ishan kishan’s 77 of 40 could be a changer for India #INDvsPAK #PAKvIND #T20WorldCup

— Junaid khan (@JunaidkhanREAL) February 15, 2026

یاد رہے کہ پاکستان نے بھارت کے خلاف اس میچ کا بائیکاٹ کردیا تھا، تاہم آئی سی سی کے ساتھ مذاکرات کے بعد ٹاکرے میں شریک ہونے کا فیصلہ کیا گیا۔