پاکستان کے سابق کرکٹر شعیب اختر نے اپنے حالیہ بیان پر وضاحت دیتے ہوئے کہا ہے کہ ان کے الفاظ کو غلط انداز میں پیش کیا گیا۔
شعیب اختر نے واضح کیا کہ میں نے جو اصطلاحات استعمال کیں جیسے ’نااہل‘ اور ’جاہل‘، اس کا مطلب یہ نہیں کہ میں نے محسن بھائی کو نشانہ بنایا۔ میرا اشارہ ان افراد کی طرف تھا جو انٹرنیشنل کرکٹ چلا رہے ہیں۔ تاہم انڈین ٹی وی نے اسے غلط انداز میں پیش کیا۔
یہ بھی پڑھیں: جسے کرکٹ کا نہیں پتا وہ بورڈ کا چیئرمین ہے، جاہل بندے کو بڑی ذمہ داری دینا سب سے بڑا جرم، شعیب اختر
انہوں نے مزید کہا کہ اسی پروگرام میں انہوں نے واضح کیا تھا کہ محسن بھائی کے بارے میں کوئی غلط بات نہیں ہونی چاہیے، یہ میں برداشت نہیں کروں گا۔ محسن نقوی ایک اچھے انسان ہیں اور وہ پاکستان کرکٹ کی مدد کرنا چاہتے ہیں۔
انڈین میڈیا ہر Incompetent جو میں نے کہا جاہل جو میں نے کہا وہ لگتا ہے کہ شاید میں نے محسن بھائی کی طرف کہا ، incompetence in larger propestive way جو چیز میں کہی تھی، incompetence اور جو جاہل بندہ ہوتا ہے وہ کسی بھی ادارے کو تباہ کر سکتا ہے، شعیب اختر pic.twitter.com/tpznh4mIZM
— Rizwan Ghilzai (Remembering Arshad Sharif) (@rizwanghilzai) February 16, 2026
واضح رہے کہ سابق فاسٹ باولر شعیب اختر نے پاک بھارت میچ میں پاکستان کی کارکردگی پر شدید مایوسی کا اظہار کرتے ہوئے کہا تھا کہ جسے کرکٹ کا نہیں پتا وہ پاکستان کرکٹ بورڈ کا چیئرمین ہے، ایسے میں ٹیم کیسے جیتے گی۔
یہ بھی پڑھیں: ’میں نے اپنا وکیل کرلیا‘، ڈاکٹر نعمان کے نوٹس ملنے پر شعیب اختر نے کیا پیغام دیا؟
بھارتی چینیل پر ایک پروگرام میں گفتگو کرتے ہوئے انہوں نے کہا کہ نالائق اور جاہل بندے کو بڑی ذمہ داری دینا سب سے بڑا جرم ہے، ایسا شخص ملک اور ادارے کو تباہ کرے گا، مثال آپ کے سامنے ہے۔
سابق کرکٹ اسٹار نے کہا کہ انڈیا کی ٹیم بہت آگے چلی گئی ہے، ہم بہت پیچھے رہ گئے ہیں، ایسے بندے کو اسٹار بنایا ہے جو 10 اوورز بھی نہیں کرسکتا، ایسے لوگوں کو اسٹار بناؤ گے تو یہی ہوگا۔
