حکومت بلوچستان نے گرین پاکستان انیشیٹو فیز2 کے تحت صوبے کے 847 کسانوں کو 3.2 ارب روپے کے بلاسود قرضے فراہم کر دیے ہیں، جس سے صوبے میں 35 ہزار 609 ایکڑ رقبے پر کاشتکاری ممکن بنائی جارہی ہے۔
یہ بھی پڑھیں: ’ گرین پاکستان انیشیٹو‘ کا فلیگ شپ پراجیکٹ ’فان گرو‘ کون سے انقلابی اقدامات کر رہا ہے؟
وزیر اعلیٰ بلوچستان میر سرفراز بگٹی کے مطابق اس سے قبل گرین پاکستان انیشیٹو فیز ون کے تحت 257 کسانوں کو 6.85 ارب روپے کے بلاسود قرضے فراہم کیے جاچکے ہیں۔ ان کا کہنا تھا کہ حکومت بلوچستان کسان کارڈ کے ذریعے غریب اور مستحق کسانوں کو مالی سہولت فراہم کر رہی ہے تاکہ زرعی سرگرمیوں کو فروغ دیا جاسکے۔
یہ بھی پڑھیں: گرین پاکستان انیشیٹو: بیلاروس نے ہیوی ڈیوٹی ٹریکٹرز پاکستان کے حوالے کردیے
وزیر اعلیٰ بلوچستان نے مزید کہا کہ گرین پاکستان انیشیٹو کے تحت بلاسود قرضوں کی فراہمی سے صوبے کا زرعی شعبہ مستحکم ہوگا اور کسانوں کو بااختیار بنانے میں مدد ملے گی، جس سے مجموعی طور پر معاشی ترقی کی رفتار تیز ہوگی۔
