وزیراعظم شہباز شریف اور ترکی کے صدر رجب طیب اردوان نے باہمی مفاد اور علاقائی تعاون کے فروغ کے لیے قریبی رابطہ برقرار رکھنے پر اتفاق کیا ہے۔
یہ بھی پڑھیں: ترکیہ کے لیے خطرہ بننے والے اشتعال انگیز اقدامات نہ کیے جائیں، ترک صدر نے ایران کو خبردار کردیا
ٹیلیفونک رابطے کے دوران دونوں رہنماؤں نے عید کی مبارکباد کا تبادلہ کیا اور امت مسلمہ کے لیے امن، اتحاد اور خوشحالی کی دعا بھی کی۔
خطے میں کشیدگی پر تبادلہ خیال
اعلامیے کے مطابق وزیراعظم نے خطے میں کشیدگی خاص طور پر ترکی پر ہونے والے میزائل حملوں کی مذمت دہرائی۔
مزید پڑھیے: سعودی عرب کے ساتھ تعلقات پورے خطے کے امن کی ضمانت ہیں، ترک صدر اردوان
انہوں نے کہا کہ پاکستانی قوم اس مشکل وقت میں ترک بھائیوں اور بہنوں کے ساتھ کھڑی ہے۔
دونوں رہنماؤں نے اس بات پر اتفاق کیا کہ کشیدگی کا حل صرف مذاکرات اور سفارتکاری کے ذریعے ممکن ہے۔
افغانستان کی صورتحال پر گفتگو
وزیراعظم اور ترک صدر نے افغانستان کی موجودہ صورتحال پر بھی تبادلہ خیال کیا۔ وزیراعظم شہباز شریف نے پاک افغان عارضی جنگ بندی میں ترکی کے کردار کو سراہا۔
باہمی مفاد اور علاقائی تعاون
اعلامیے کے مطابق دونوں رہنماؤں نے مستقبل میں باہمی مفاد اور علاقائی تعاون کے فروغ کے لیے قریبی رابطے جاری رکھنے پر اتفاق کیا۔
