امریکی خلائی ادارے ناسا (NASA) کے تاریخی مشن آرٹیمس دوم Artemis II کے خلا باز 10 روزہ سفر مکمل کرنے کے بعد بحفاظت زمین پر واپس پہنچ گئے۔ خلائی جہاز نے مقامی وقت کے مطابق رات 8 بج کر 7 منٹ (11 اپریل 0007 یو ٹی سی) پر سمندر میں کامیاب لینڈنگ کی۔
اس مشن میں شامل خلا باز (Reid Wiseman، Victor Glover، Christina Koch اورJeremy Hansen) نے چاند کے گرد چکر لگا کر زمین پر واپسی کی۔ یہ مشن جدید دور میں انسانوں کی چاند کے قریب واپسی کا ایک اہم سنگِ میل قرار دیا جا رہا ہے۔
آرٹیمس II مشن قریباً دس روز قبل شروع ہوا تھا، جب خلا بازوں نے زمین سے روانگی اختیار کی اور مخصوص راستے کے تحت چاند کے گرد سفر کیا۔ اس دوران انہوں نے مختلف سائنسی مشاہدات اور نظاموں کی جانچ بھی کی، جو مستقبل کے مشنز کے لیے نہایت اہم سمجھے جا رہے ہیں۔
Welcome home Reid, Victor, Christina, and Jeremy! 🫶
The Artemis II astronauts have splashed down at 8:07pm ET (0007 UTC April 11), bringing their historic 10-day mission around the Moon to an end. pic.twitter.com/1yjAgHEOYl
— NASA (@NASA) April 11, 2026
یہ مشن اپالو 17 (Apollo 17) کے بعد پہلا موقع ہے جب انسان دوبارہ چاند کے قریب پہنچے ہیں۔ اپالو 17 مشن 1972 میں مکمل ہوا تھا، جس کے بعد کئی دہائیوں تک انسان چاند تک نہیں جا سکے تھے۔
ناسا کا آرٹیمس پروگرام دراصل انسان کو دوبارہ چاند پر بھیجنے اور وہاں مستقل موجودگی قائم کرنے کے طویل المدتی منصوبے کا حصہ ہے۔ اس پروگرام کے تحت اگلا مرحلہ انسانوں کو چاند کی سطح پر اتارنے کا ہے، جس کے لیے آرٹیمس III مشن کی تیاری جاری ہے۔
ماہرین کے مطابق آرٹیمس II کی کامیابی مستقبل کے خلائی مشنز، خصوصاً مریخ تک انسان کو بھیجنے کے منصوبوں کے لیے ایک مضبوط بنیاد فراہم کرے گی۔
یہ مشن نہ صرف سائنسی ترقی بلکہ بین الاقوامی تعاون کی بھی ایک اہم مثال ہے، کیونکہ اس میں کینیڈا سمیت دیگر شراکت دار ممالک کی شرکت بھی شامل رہی۔
