مراکش کے جنوبی علاقے تان تان کے قریب امریکی افریقہ کمانڈ کی بڑی سالانہ فوجی مشق کے دوران 2 امریکی اہلکار لاپتا ہو گئے ہیں۔
امریکی اور مراکشی افواج کے مطابق یہ واقعہ کیپ ڈرا کے تربیتی مقام کے قریب پیش آیا۔ ابتدائی معلومات کے مطابق خدشہ ہے کہ دونوں اہلکار ایک چٹان کے قریب سے سمندر میں گر گئے ہوں، تاہم اس کی باضابطہ تصدیق نہیں ہو سکی۔
مزید پڑھیں:’وعدہ صادق 4’ کے پہلے 2 دنوں میں 650 امریکی اہلکار ہلاک یا زخمی ہوئے، پاسداران انقلاب کا دعویٰ
واقعے کے بعد امریکا، مراکش اور دیگر شراکت دار ممالک کی افواج نے فوری طور پر مشترکہ تلاش اور امدادی کارروائیاں شروع کر دی ہیں، جن میں زمینی، فضائی اور بحری وسائل شامل ہیں۔
امریکی دفاعی حکام نے واضح کیا ہے کہ اس واقعے کا کسی قسم کی دہشتگردی سے کوئی تعلق نہیں ہے۔
یہ مشق امریکی افریقہ کمانڈ کی سب سے بڑی سالانہ مشق ہے، جس کا مقصد امریکا، نیٹو اور افریقی شراکت دار ممالک کے درمیان عسکری تعاون کو مضبوط بنانا ہے۔
مزید پڑھیں:شام: امریکی اور شامی فوجیوں پر گشت کے دوران فائرنگ، 2 اہلکاروں سمیت 3 امریکی ہلاک
امسال یہ مشق 27 اپریل سے 8 مئی تک مراکش سمیت 4 ممالک میں جاری ہے، جس میں 40 سے زائد ممالک کے قریباً 5 ہزار اہلکار شریک ہیں۔
