انجینئر امیر مقام تحریک طالبان پاکستان کے مجرمین کی فہرست میں شامل ہے کیونکہ وہ دسیوں علماء کرام اور مجاہدین کی شہادتوں میں براہ راست ملوث رہا ہے، اپنے اس عمل کی وجہ سے وہ تحریک طالبان پاکستان کے اہداف میں شامل ہے۔ گزشتہ روز انجینئر امیر مقام پر مجاہدین نے حملے کی کوشش کی جس میں وہ محفوظ رہا۔
ترجمان تحریک طالبان پاکستان محمد خراسانی نے ایک بیان میں انجینئر امیر مقام پر حملے کی ذمہ داری قبول کرتے ہوئے کہا ہے کہ تحریک طالبان پاکستان کے اہداف بہت واضح ہیں جن میں سیکیورٹی ادارے اور ان کے وہ آلہ کار شامل ہیں جو براہ راست مجاہدین کو نقصان پہنچانے میں شامل ہیں جس کی بار بار ہم وضاحت بھی کر چکے ہیں۔
محمد خراسانی کا مزید کہنا تھا کہ انجینئر امیر مقام تحریک طالبان پاکستان کے مجرمین کی فہرست میں شامل ہے اور اس طرح کے دیگر لوگ جو براہ راست مجاہدین کے خلاف برسر پیکار ہیں، ہمارے اہداف میں شامل ہیں۔ البتہ اگر ان میں سے کوئی یہ سمجھتا ہے کہ اس نے ایسا کوئی جرم نہیں کیا تو رابطہ کرکے وضاحت دے سکتا ہے۔
یاد رہے کہ گزشتہ روز وزیراعظم پاکستان میاں شہباز شریف کے مشیر اور صدر پاکستان مسلم لیگ ن خیبر پختونخوا انجینئر امیر مقام نے دعویٰ کیا تھا کہ ان کے آبائی علاقے شانگلہ میں ان پر مسلح حملہ کیا گیا جو ناکام ہو گیا۔ انجینئر امیر مقام نے مقامی میڈیا کو بتایا تھا کہ وہ شانگلہ میں نادرا دفتر کے افتتاح اور عوامی جلسے میں شرکت کے لیے جا رہے تھے کہ انہوں نے کچھ مسلح افراد کو دیکھا جو پوزیشن لے کر حملے کے لیے تیار تھے۔
امیر مقام نے بتایا کہ ان کے محافظوں اور سیکیورٹی اسٹاف کے بروقت ردعمل اور خبردار کرنے سے حمہ آور فرار ہو گئے تھے۔امیر مقام کا کہنا تھا کہ ان پر حملے کی تیاری اس جگہ بھی کی گئی تھی جہاں سال 2014 میں ان پر بم حملہ ہوا تھا، جس میں وہ بچ گئے تھے۔
واقعے پر شانگلہ پولیس نے کہا تھا کہ انجینئر امیر مقام پر راستے میں مشکوک افراد نے ہوائی فائرنگ کی تاہم کوئی جانی نقصان نہیں ہوا۔ پولیس کا کہنا تھا کہ واقعے کے بعد مشکوک افراد کی تلاش شروع کر دی ہے۔
دوسری جانب وزیراعظم پاکستان شہباز شریف نے امیر مقام پر حملے کی منصوبہ بندی کی شدید مذمت کی ہے۔ اپنے ٹوئٹر بیان میں انہوں نے کہا تھا کہ اللہ کا لاکھ لاکھ شکر ہے کہ امیر مقام قاتلانہ حملے میں محفوظ رہے۔
اللہ تعالی کا لاکھ لاکھ شکر ہے کہ اس نے پاکستان مسلم لیگ ن کے رہنما امیر مقام کو قاتلانہ حملے میں محفوظ رکھا۔ پاکستان کے چپے چپے کی حفاظت ہمارے ایمان کا حصہ ہے ۔ اس ملک خداداد کے تحفظ اور روشن مستقبل کے لئے ہماری سیاسی قیادت ، عوام اور قانون نافذ کرنے والے اداروں سمیت سیکورٹی…
— Shehbaz Sharif (@CMShehbaz) June 24, 2023