پاکستان کے مقبول شوبز اسٹار فواد خان کے نام سے کون واقف نہیں لیکن کچھ عرصے سے وہ ٹی وی اسکرینز سے غائب ہیں۔ آخری دفعہ فواد خان کے مداحوں نے ان کو بڑے پردے پر دیکھا تھا جب وہ پاکستانی فلم دی لیجنڈ آف مولا جٹ میں اداکارہ ماہرہ خان کے ساتھ جلوہ گر ہوئے تھے۔
فواد خان ایک بار پھر پاکستانی ٹائم لائنز پر زیر بحث ہیں لیکن اس بار موضوع گفتگو نہ ان کی اداکاری ہے نہ گلوگاری بلکہ ان کے مداح کی جانب سے شیئر کی گئی ایک تصویر ہے جس میں فواد خان کو ہالی ووڈ کی مشہور فلم بیٹ میں کے مرکزی کردار میں دکھایا گیا ہے ، پاکستان نامی ٹوئٹر اکاؤنٹ نے تصویر شئیر کرتے ہوئے لکھا فواد خان بطور بیٹ مین
Fawad Khan as Batman pic.twitter.com/o4nDdV6nz7
— Pakistan (@Indusland_) July 16, 2023
فواد خان کی یہ تصویر وائرل ہوئی تو ان کے مداحوں کی جانب سے دلچسپ تبصرے کیے گئے، کچھ صارفین کی رگ ظرافت پھڑکی تو میمز کا سہارا لیتے ہوئے تبصرے کر ڈالے ، ایک صارف نے لکھا معذرت لیکن یہ فنی بیٹ مین ہیں۔
Sorry .. It looks like Funny batman
— DanialSohailDS (@Danialaudios) July 16, 2023
پاکستانی سینما میں اچھی فلمیں نہ بننے پر تنقید کرتے ہوئے ایک صارف نے شکوہ کیا اور لکھا کہ آپ اس شخص کے ساتھ اچھی جاسوسی فلمیں کیوں نہیں بنا رہے؟
Pakistan why aren’t you making cool detective movies with this man 🍿
— MOMO ✨️ (@torontomomo) July 17, 2023
جہاںفواد خان کی تصویر پر پاکستاںی صارفین کے تبصرے نظر آئے، وہیں پڑوسی ملک بھارت کے صارفین نے بھی خوب بڑھ چڑھ کر حصہ لیا۔ ایک بھارتی صارف نے تبصرہ کرتے ہوئے لکھا کہ ہمیں فواد خان اور عاطف اسلم دے دیں اور کشمیر لے لیں۔
give us fawad and atif aslam, take kashmir
— Amogh (@imsmolguy) July 17, 2023
جہان صارفین ان کی تصویر کو خوب پسند کر رہے ہیں وہی بعض صارفین ایسے بھی ہیں جن کو لگتا ہے کہ پاکستان میں صرف فواد خان ہی اچھے اداکار نہیں ہیں، صارف زمل نے لکھا کیا پاکستان میں صرف یہ ایک اداکار ہے؟
Ye Pakistan me ek hi actor hai kya yaar? Ek hi bande ko flex Kiya ja Raha last 8-10 saal se. https://t.co/K7PNKSOpG6
— zαмιℓ (@zamil__raza) July 17, 2023
کراچی کے حالات اور فواد خان کے کراچی سے بیٹ مین ہونے پر تبصرہ کرتے ہوئے ایک صارف نے لکھا: پہلی قسط غنڈوں سے مقامی موبائل چوری کی روک تھام کے بارے میں ہوگی۔ امید ہے کہ اس کے بیٹ موبائل کے جمپر کراچی کی کچی سڑکوں کو برقرار رکھ سکیں گے۔
The first episode will be about the prevention of local mobile thefts from the unprivileged goons.
Hopefully , his batmobile’s jumpers can sustain the bumpy and chaotic roads of Karachi— Nakul Patel (@itsNaaCooL) July 17, 2023
مصنوعی ذہانت سے تخلیق شدہ تصویر کے حوالے سے صارفین کا کہنا تھا کہ یہ فواد خان ہالی ووڈ کی مشہور فلم سیریز بیٹ می کے مرکزی کردار ادا کرنے والے رابرٹ پیٹسن سے زیادہ خوبرو نظر آتے ہیں۔
