دنیا میں بڑی آنت کا کینسر تیزی سے پھیلتی ہوئی بیماریوں میں سے ایک ہے تاہم اس عام ہوتی ہوئی بیماری کی علامات کو لوگ اکثر پہچان نہیں پاتے، بعدازاں یہ بیماری سنگین صورت اختیار کرجاتی ہے۔ اگر اس کی علامات کو شروع ہی سے پہچان لیا جائے تو بڑی آنت کے کینسر کا بہ آسانی علاج ممکن ہے۔
اس کے لیے اس بیماری کی علامات سے باخبر ہونا بہت ضروری ہے۔ بہت سے لوگ اس مرض کی ابتدائی علامات کو نظرانداز کردیتے ہیں،ان کی یہی لاپرواہی بعد میں ان کے لیے بدترین اذیت کا سبب بن جاتی ہے۔
بڑی آنت کے کینسر کی سب سے بڑی علامت جو اکثر لوگ نظرانداز کرتے ہیں، بواسیر ہے۔ یہ بڑی آنت کے کینسر کی علامات میں سب سے بڑی علامت ہے۔ خاص کر خون کا اخراج بڑی آنت کے کینسر کا وجہ بنتا ہے۔
بواسیر اور خون کا اخراج اس قدر آسانی سے نظرانداز کردینے والا معاملہ نہیں ہے لیکن لوگ اکثر یہ سوچ کر لاپرواہ ہوجاتے ہیں کہ شاید یہ زیادہ نقصان دہ نہ ہو۔ حالانکہ ماہرین کے مطابق یہ لوگوں کی سب سے بڑی غلطی ہوتی ہے۔
خون کے اخراج کا تعلق کینسر کے علاوہ کسی دوسرے مسئلہ سے بھی ہوسکتا ہے۔ ایسی بیماریوں کا علاج وقت پر ہی ہونا چاہیے۔ لوگوں کو اس حوالے سے ماہرین سے رابطہ کرنا چاہیے۔ اور اس معاملہ کو کسی بھی صورت میں نظرانداز نہیں کرنا چاہیے۔
بڑی آنت کے کینسر کی دیگر عام علامات جو اکثر لوگ نظر انداز کردیتے ہیں، میں قبض کا زیادہ ہونا یا ہیضہ ہونا بھی شامل ہے۔ بہت سے لوگ ان مسائل کو بھی معمولی جانتے ہیں۔ اسی طرح وزن کا کم ہونا، خون کی کمی، چہرے وغیرہ کی رنگت کا تبدیل ہونا بھی بڑی آنت کے کینسر کی علامات ہوتی ہیں۔
ماہرین کا کہنا ہے کہ ابتدائی علامات ہی کا علاج کرلینا چاہیے تاکہ یہ کینسرمیں تبدیل نہ ہوسکیں۔
امریکن کینسر سوسائٹی کےمطابق بڑی آنت کے کینسر میں سکریننگ کی وجہ سے کافی حد تک کمی آئی ہے۔ ماہرین کا یہ کہنا ہے کہ سکریننگ کی وجہ سے نہ صرف بیماری کی تشخیص ہوتی ہے بلکہ کینسر جیسی بیماری سے بھی محفوظ رہا جا سکتا ہے۔
