مریم نواز ایک بار پھر متحرک: “ہمیں تو ن لیگ کا جھنڈا تک نہیں ملتا”

اتحادی حکومت کا آخری دن ہے جس کے بعد بظاہر لگتا ہے کہ مسلم لیگ ن نے اپنی انتخابی مہم شروع کر دی ہے۔ پاکستان مسلم لیگ ن کی سینیئر نائب صدر و چیف آرگنائزر مریم نواز جو طویل عرصے سے سیاسی منظر نامے سے غائب تھیں اب گزشتہ چند روز سے متحرک دکھائی دے رہی ہیں۔

پہلے ’میاں دے نعرے وجن گے‘ اور نواز شریف کی تصویر والے مگ کے ساتھ ایک ویڈیو شیئر کی جس میں ان کا کہنا تھا کہ میرے پرانے مگ پر کافی تبصرے ہوتے تھے لیکن اس نئے مگ میں ’کافی‘ کا ذائقہ بہت اچھا ہے۔ اور پارٹی رہنماؤں کو استعمال کرنے کی تجویز بھی دی۔ جبکہ دوسری ویڈیو میں مریم نواز پارٹی سلوگن کے ساتھ مختلف اشیاء کی رونمائی کرتی نظر آئیں جن میں فون کور، نوٹ بک، کیپ، بیچز اور دیگر اشیا تھیں۔ اور ان چیزوں میں درج نعروں کو مریم نواز پڑھ کر سنا رہی ہیں۔

مریم نواز نے ویڈیو سماجی رابطوں کی سائیٹ ’ایکس‘ پر شیئر کرتے ہوئے لکھا کہ یہ مسلم لیگ ن کے ڈیزائن ڈیپارٹمنٹ کی جانب سے تیار کردہ چیزیں ہیں اور انہوں نے شاندار کام کیا ہے۔

The newly created design department of PMLN has done a splendid job! Touché 💯 pic.twitter.com/DHJFkK9Yaa

— Maryam Nawaz Sharif (@MaryamNSharif) August 9, 2023

مریم نواز کی جانب سے ویڈیو سماجی رابطوں کی سائیٹ ’ایکس‘ پر شیئر کیے جانے کے بعد صارفین کی جانب سے تبصروں کا سلسلہ شروع ہو گیا، جہاں بعض صارفین نے ان پر تنقید کی تو وہیں چند صارفین مسلم لیگ ن کی حمایت میں بھی سامنے آئے۔

صحافی خرم شہزاد نے ویڈیو پر تبصرہ کرتے ہوئے کہا کہ مریم نواز نے مسلم لیگ ن کے کمرشل ونگ کا افتتاح کر دیا ہے، کمرشل ونگ کافی کپ، بیجز، نوٹ بکس اور موبائل فون کور جیسی پراڈکٹس کی تجارت کا ذمہ دار ہو گا۔

مریم نواز نے مسلم لیگ نون کے کمرشل ونگ کا افتتاح کر دیا۔ کمرشل ونگ کافی کپ، بیجز، نوٹ بکس، موبائل فون کور وغیرہ جیسی پراڈکٹس کی تجارت کا زمہ دار ہو گا۔ https://t.co/FE2OYEXGsR

— Khurrram Shahzad (@KhurramShahzPK) August 9, 2023

حسن صدیقی نے کہا مسلم لیگ ن کی الیکشن مہم کا آغاز ہو چکا ہے۔

Election compaign starts 😍. https://t.co/Zwc7nxrhLY

— Hassan Siddiqui (@Hassandude7) August 9, 2023

ایک صارف نے تنقید کرتے ہوئے کہا کہ مریم نواز کے ساتھ موجود ہر شخص جانتا ہے کہ ان میں سے کوئی بھی چیز فروخت نہیں ہو گی لیکن کوئی بھی یہ کہنے کی جسارت نہیں کر سکتا کیونکہ طاقت چیز ہی ایسی ہے۔

https://twitter.com/rantspakistani/status/1689244452055838720?s=20

سیف اللہ خان آفریدی نامی صارف لکھتے ہیں کہ ن لیگ کا خیال ہے کہ بچوں کے ان کھلونوں سے یہ الیکشن  مہم چلا سکتے ہیں، انہوں نے ن لیگ کے دیگر رہنما جو ارد گرد کھڑے ہیں ان کو بھی تنقید کا نشانہ بناتے ہوئے کہا کہ مریم نواز کے آس پاس غلام ذہنیت کے غلام نوکر کھڑے ہیں۔

ان کا خیال ہے کہ مارکیٹ میں یہ بچوں والے کھلونے کا منجن الیکشن میں بیچیں گے🤣🤣

اور اس پاس جو غلام ذہنیت کے غلام نوکر کھڑے ہیں ان کو ذرا دیکھو🤦‍♂️ https://t.co/30wNzdRFIc

— Saif Ullah Khan AFridi (@SaifKhOfficial) August 9, 2023

اریج لکھتی ہیں کہ مسلم لیگ ن نے تجارتی سامان کے ساتھ گفٹ شاپ کا آغاز کیا ہے، جائیے اپنے ہی پیسوں سے بنی ہوئی چیزوں کو اپنے ہی پیسوں سے دوبارہ خرید لیجیے۔

PMLN gift shop launch with 🐅 merchandise.
جائیے اپنے پیسوں سے بنی ہوئی چیزوں کو اپنے ہی پیسوں سے دوبارہ خرید لیجئے۔ https://t.co/bDDhnrj7Bd

— 🪭Areej (@_areejahmed_) August 9, 2023

عمران خان کے ایک کارکن نے مریم نواز کی ویڈیو پر تبصرہ کرتے ہوئے کہا کہ جو مرضی کر لو لیکن آئے گا تو عمران خان ہی۔

جو مرضی کرلو آئیگا تو عمران خان 💪💪💪

— Wisal Khan (@wisal_Pti) August 9, 2023

مسلم لیگ ن کی ایک کارکن نے مریم نواز سے پوچھا کہ یہ تمام چیزیں کہاں دستیاب ہوں گی کیونکہ ہمیں تو ن لیگ کا جھنڈا تک نہیں ملتا، انہوں نے کہا کہ رہنمائی کر دیں کہ یہ تمام اشیاء کہاں دستیاب ہوں گی۔

یہ تمام چیزیں کہا سے دستیاب ہونگئی؟؟
ہمیں تو ن لیگ کا جھنڈا تک نہیں ملتا
مہربانی کرکے رہنمائی کرے کہ ن لیگ ٹیگ پروڈکٹ کہا سے لی جاسکتی ہیے؟؟

— Nazish Akhtar 🇵🇰 (@Nazishakhtar148) August 9, 2023