پاکستان کرکٹ بورڈ کے سربراہ نجم سیٹھی کی جانب سے گورنر سندھ کامران ٹیسوری کو یاد گار تحائف پیش کیے گئے۔
نجم سیٹھی اور گورنر سندھ نے نیشنل بینک کرکٹ ارینا کراچی میں پشاور زلمی اور کراچی کنگز کے درمیان کھیلا گیا میچ اسٹیڈیم میں دیکھا۔
اس موقع پر نجم سیٹھی کی جانب سے گورنر سندھ کامران ٹیسوری کو سوینئرز پیش کیے گئے۔
نجم سیٹھی کی جانب سے گورنرسندھ کو دیے گئے سوینئرز میں یادگاری شیلڈ ، دستخط شدہ دو گیندیں اور میچ کے ٹاس کا سکہ شامل تھا، ایک گیند پر وسیم اکرم جبکہ دوسری گیند پر سیمی اور انضمام الحق کے دستخط تھے۔
واضح رہے کہ ایچ بی ایل پاکستان سپر لیگ (پی ایس ایل) کے 8 ویں ایڈیشن کے دوسرے میچ میں پشاور زلمی نے دلچسپ مقابلے کے بعد کراچی کنگز کو 2 رنز سے شکست دے دی۔
