سعودی عرب کے شہر جدہ میں ایک پاکستانی مزدور تعمیراتی کام کے دوران گر کر زخمی ہوا تو اسے ہسپتال پہنچانے کے لیے ایئر ایمبولینس کے پہنچنے کی ویڈیو وائرل ہوئی ہے۔
سوشل ٹائم لائنز پر وائرل ہونے والی ویڈیو شیئر کرنے والوں کا دعوی ہے کہ پاکستانی مزدور کے زخمی ہونے پر ہیلی کاپٹر اس لیے بھیجا گیا کہ علاقے میں ٹریفک کا رش تھا اور ایمبولینس کے سڑک پر پھنس جانے کا خدشہ تھا۔
سعودی وزارت صحت کی جانب سے بھیجی گئی ایئر ایمبولینس نے پاکستانی مزدور کو بحفاظت متاثرہ مقام سے ملک فہد ہسپتال منتقل کیا۔
وائرل ویڈیو پر تبصرہ کرنے والوں کے مطابق جس یمنی شہری نے مزدور کے زخمی ہونے کی شکایت کی تھی وہ اس معاملہ پر خوشگوار حیرت کا شکار ہوا کہ متعلقہ افراد نے کسی بااختیار فرد یا سعودی شہری کے لیے نہیں بلکہ ایک پاکستانی مزدور کے لیے ہیلی کاپٹر کو استعمال کیا۔
ویڈیو میں یمنی شہری کو سنا جا سکتا ہے کہ وہ فوری طور پر ایئر ایمبولینس بھیجنے پر سعودی حکام کو سراہا رہے ہیں۔
In #Jeddah, a 🇵🇰 Pakistani laborer had a fall at an under-construction site, prompting a fellow laborer to call for an ambulance 🚑. Due to heavy traffic, @SaudiMOH dispatched an air ambulance 🚁 to swiftly rescue the injured worker. The 🇾🇪 Yemeni who made the call is astonished,… pic.twitter.com/sV9GbaD4U8
— Muhammad Ibrahim Qazi (@miqazi) August 24, 2023
ایک پیٹرول پمپ سے بنائی گئی ویڈیو میں ایئرایمبولینس کے لیے استعمال ہونے والے ہیلی کاپٹر کو پہلے قریب آتے اور پھر سامنے سے گزر کر لینڈ کرتے دکھایا گیا ہے۔
