پاکستان میں سماجی رابطوں کی ویب سائٹس پر صارفین کی جانب سے آئے روز مختلف مسائل زیر بحث آتے رہتے ہیں جن کے حل کے لیے صارفین طنز و مزاح کا سہارا لیتے ہوئے مختلف مشورے دیتے ہیں۔ پاکستان میں مسائل چھوٹے ہوں یا بڑے ان کا حل دیسی طریقے سے نکال ہی لیا جاتا ہے جس کو عام اصطلاح میں دیسی جگاڑ کہا جاتا ہے۔
ایسی ہی ایک ویڈیو اس وقت سماجی رابطے کی ویب سائٹ ایکس پر گردش کر رہی ہے جس میں دیکھا جا سکتا ہے کہ ایک شخص مسجد کے باہر کھڑا ہے اور کہہ رہا ہے کہ آج میں آپ کو ایک طریقہ بتاؤں گا جس سے آپ اپنے جوتے چوری ہونے سے بچا سکتے ہیں۔ اس کے بعد وہ کہتا ہے کہ ایک جوتا ایک کونے میں رکھیں اور دوسرا مخالف سمت میں دوسرے کونے پر ، میں نے بھی ایسا کیا تھا اور میرا جوتا چوری نہیں ہوا۔
آپ مسجد سے جوتا چوری ھونے سے کیسے بچا سکتے ھیں👇🤩 pic.twitter.com/FuTd5e1dZf
— میاں عامر 🦁 (@LegiMian) August 27, 2023
ویڈیو پر تبصرہ کرتے ہوئے صارف زہرہ بتول نے لکھا پاکستانیوں کے پاس ہر چیز کا جگاڑ ہے۔
پاکستانیوں کے پاس ہر چیز کا جگاڑ ہے
— Zahra Batool (@zahra3727batool) August 27, 2023
صارفین کا کہنا تھا کہ پاکستانیوں جیسی ذہین قوم آج تک پیدا نہیں ہوئی حیرت ہے کہ ہم اب تک چاند پر کیوں نہیں پہنچے۔ صارف خضر نے لکھا یہ شخص بہت ذہین ہے اس کو ہمارا وزیر اعظم ہونا چاہیے۔ اس کے پاس پاکستان کے ہر مسئلے کا حل ہے۔
This man is a genius and should be our next finance minister.
He has a solution for every Paki problem.
We need a problem solver, not a crybaby. https://t.co/ZlGCN2Ttz4
— Kyzer Galal (@drque71) August 27, 2023
ویڈیو پر تبصرہ کرنے والے بہت سے صارفین ایسے بھی ہیں جنہوں نے یہ طریقہ استعمال تو کیا لیکن ان کو کوئی خاطر خواہ فائدہ نہیں ہوا۔
