میڈیا رپورٹس کے مطابق گھانا کے انٹرنیشنل فٹبالر کرسٹیان آتسو 6 فروری کو آئے زلزلے کے وقت ترکیہ کے صوبے حاطے کے شہر انطاکیہ کے لگژری اپارٹمنٹ میں رہائش پذیر تھے۔
زلزلے کے بعد فٹبالر کا رابطہ منقطع تھا تاہم اب ان کی لاش ملبے سے نکال لی گئی ہے اور ان کے ترک ایجنٹ نے موت کی تصدیق کر دی ہے۔
انہوں نے بتایا کہ گھانا کے 31 سالہ فٹبالر نے گزشتہ برس ستمبر میں مقامی ترکیہ کلب ’حاطے سپور‘ میں شمولیت اختیار کی تھی اور ترکیہ سپر لیگ میں شرکت کے لیے انطاکیہ میں موجود تھے۔
ترکیہ فٹبال کلب’حاطے سپور‘ کے مطابق کرسٹیان آتسو نے 5 فروری کو کھیلے گئے میچ میں فیصلہ کن گول کرکے کلب کو فتح دلوائی تھی۔
’حاطے سپور‘ کلب انتظامیہ نے اپنے ٹوئٹر اکاؤنٹ پر پیغام دیا کہ ’کرسٹیان آتسو کا جسد خاکی گھانا میں ان کے آبائی گھر بھجوایا جا رہا ہے۔ اس خوبصورت شخصیت کی جدائی کا غم بیان کرنے کے لیے ہمارے پاس الفاظ ہی نہیں‘۔
Başımız sağ olsun.
Göçük altında kalarak hayatını kaybeden futbolcumuz Christian Atsu'nun cenazesi memleketi Gana'ya gönderilmek üzere yola çıkmıştır. Seni unutmayacağız Atsu. Mekanın cennet olsun güzel insan. Üzüntümüzün tarifi yok. Huzur içinde uyu. pic.twitter.com/2CSVfwfEuR
— Hatayspor (@Hatayspor_FK) February 18, 2023
کرسٹیان آتسو نے 2012 سے 2019 تک 65 انٹرنیشنل میچز میں گھانا کی جانب سے دس گول کیے۔ آتسو نے چیلسیا، نیو کاسل یونائیٹڈ اور دیگر کلبز کی نمائندگی بھی کی۔
Everyone at Chelsea Football Club is devastated to learn of the tragic passing of our former player, Christian Atsu. Our thoughts go out to his family and friends.
— Chelsea FC (@ChelseaFC) February 18, 2023
