پاکستان کے اسٹار فاسٹ بولر نسیم شاہ کی لندن میں کندھے کی سرجری ہوگئی ہے، سرجری کے بعد نسیم شاہ 4 سے 6 ہفتے آرام کریں گے۔
فاسٹ بولر کی اسپتال کے بیڈ سے ایک ویڈیو بھی سامنے آئی ہے جس میں وہ اپنی والدہ کو یاد کر کے آبدیدہ ہو گئے۔ ویڈیو میں نسیم شاہ کہتے ہیں کہ میری والدہ دنیا کی بہترین ماں ہیں اور ساتھ ہی پوچھتے ہیں کہ کیا وہ مجھ پر فخر کرتی ہوں گی؟
نسیم شاہ کی یہ ویڈیو سماجی رابطوں کی سائیٹ ایکس پر خوب وائرل ہو رہی ہے جس نے دیکھنے والوں کو بھی آبدیدہ کر دیا۔
واضح رہے کہ نسیم شاہ والدہ کے انتقال کے وقت آسٹریلیا میں موجود تھے۔ انہوں نے ابتدائی طور پر وطن واپسی کا ارادہ کر رہے تھے لیکن اہلخانہ سے مشورے کے بعد انہوں نے پاکستان واپسی کا ارادہ ترک کردیا۔ نسیم شاہ نے اسی وجہ سے آسٹریلیا اے کے خلاف میچ میں باؤلنگ نہیں کرائی تھی تاہم انہوں نے 21 نومبر 2019 کو برسبین کے میں آسٹریلیا کے خلاف میچ میں بولنگ کرائی تھی اور یہی ان کے پاکستان کے لیے ٹیسٹ کیریئر کا ڈیبیو بھی تھا۔ انہوں نے اس میچ میں 68 رنز دے کر ایک وکٹ حاصل کی تھی جبکہ پاکستان کو اس میچ میں ایک اننگز اور 5 رنز سے شکست ہوئی تھی۔
سپورٹس جرنلسٹ قادر خواجہ لکھتے ہیں کہ سرجری کے بعد نسیم شاہ جذباتی ہو گئے اور نیم بے ہوشی کی حالت میں اپنی والدہ کو یاد کر کے پوچھتے رہے کہ کیا وہ مجھ پر فخر کرتی ہوں گی؟ قادر خواجہ نے کہا کہ آپ کی والدہ سمیت پوری قوم آپ پر فخر کرتی ہو گی۔
Aahhhh Maaa
Naseem Shah got emotional
نسیم شاہ والدہ کو یاد کرتے رو پڑے اور نیم بیہوش حالت میں بھی پوچھتے رہے کہ میری والدہ مجھ پر فخر کرتی ہونگی ،،،بلکل کرتی ہوں گی پوری قوم آپ پر فخر کرتی ہے
Get well soon @iNaseemShah#NaseemShah pic.twitter.com/oyPX60PGHc— Qadir Khawaja (@iamqadirkhawaja) October 4, 2023
منیب فرخ نے ویڈیو جاری کرنے والے پر تنقید کرتے ہوئے کہا کہ یہ بہت مضحکہ خیز ہے کہ نسیم شاہ پوری طرح ہوش میں بھی نہیں ہیں اور ان کی ویڈیو بنا کر سوشل میڈیا پر اپلوڈ بھی کر دی گئی ہے۔
This is ridiculous. Naseem Shah is not even fully conscious. Why the hell would someone record him and even post it on social media. https://t.co/tKy6yP296B
— Muneeb Farrukh (@Muneeb313_) October 4, 2023
صحافی بشیر چوہدری نے نسیم شاہ کی تصویر شیئر کرتے ہوئے لکھا کہ وہ لوگ کدھر ہیں جو یہ کہہ رہے تھے نسیم شاہ زخمی نہیں ہیں بلکہ انھیں انجری کا بہانہ بنا کر ورلڈکپ سکواڈ سے اس لیے باہر کیا گیا تھا کہ انھوں نے عمران خان کی تصویر دیکھ کر مسکراتے ہوئے تصویر بنائی تھی۔
وہ لوگ ہاتھ کھڑا کریں جو یہ کہہ رہے تھے نسیم شاہ زخمی نہیں ہیں بلکہ انھیں انجری کا بہانہ بنا کر ورلڈکپ سکواڈ سے اس لیے باہر کیا گیا تھا کہ انھوں نے عمران خان کی تصویر دیکھ کر مسکراتے ہوئے تصویر بنائی تھی۔۔ pic.twitter.com/EG7hQLogPA
— Bashir Chaudhary (@Bashirchaudhry) October 4, 2023
واضح رہے کہ نسیم شاہ گزشتہ ماہ ایشیا کپ میں بھارت کے خلاف میچ میں کندھے کی تکلیف کا شکار ہوئے تھے، ماہر ڈاکٹرز نے نسیم شاہ کی سرجری تجویز کی تھی۔
