سات اکتوبر 2023 کے بعد اسرائیلی جارحیت کے جواب میں حماس کے القسام بریگیڈز کے حریت پسند یاسین-105 اینٹی ٹینک آر پی جیز استعمال کرتے ہوئے دشمن کو شدید نقصان سے دوچار کررہے ہیں۔ اس میزائل نے حال ہی میں 22 مرکاوا ٹینکوں کے پرخچے اڑا دیے ہیں۔
فلسطین کرانیکل کے مطابق حال ہی میں القسام بریگیڈز کی طرف سے یاسین-105 اینٹی ٹینک آر پی جیز کی ویڈیو جاری کی گئی ہے جس میں دعویٰ کیا گیا ہے کہ یہ اسرائیلی ’مرکاوا‘ ٹینک کو تباہ کر سکتا ہے۔
واضح رہے کہ ’مرکاوا‘ ٹینک کو اسرائیلی فوج کی ریڑھ کی ہڈی قرار دیا جاتا ہے۔ 70 کی دہائی میں اس ٹینک کی تیاری شروع ہوئی تھی۔ اس وقت اس کی پانچویں جنریشن چل رہی ہے۔ چوتھی جنریشن سے تعلق رکھنے والے مرکاوا ٹینک کی یونٹ کاسٹ 5.85 ملین ڈالر تھی۔
حماس کا دعویٰ ہے کہ یہ 105 ایم ایم ٹینک شکن راکٹ سے چلنے والے دستی بم ( آر پی جی) حماس کے القسام بریگیڈ نے آپریشن الاقصیٰ طوفان میں استعمال کیے تھے، جس کے نتیجے میں اسرائیلی مرکاوا مین جنگی ٹینک ( ایم بی ٹی) کو تباہ کیا گیا تھا۔ اس کے بعد اسرائیلی ٹینکوں کی تباہی کا سلسلہ شروع ہوگیا۔
Al-Qassam Brigades unveils the locally-produced Al-Yassin 105 mm anti-armor rocket-propelled grenade (RPG).
Al-Yassin entered service for the first during #OperationAlAqsaFlood.
FOLLOW OUR LIVE BLOG: https://t.co/IaLsHTzAOb pic.twitter.com/8N4Mbi8mZV
— The Palestine Chronicle (@PalestineChron) October 14, 2023
القسام بریگیڈز کے ملٹری میڈیا نے اس سے قبل ایک ویڈیو کلپ جاری کیا تھا جس میں پہلی بار فضائی دفاعی نظام متعارف کرانے کا انکشاف کیا گیا تھا۔ اس دفاعی نظام کا نام ‘معتبر-1’ رکھا گیا تھا۔
اسرائیلی فوج اور القسام بریگیڈز کے مابین شدید لڑائی جاری
حماس تحریک کے عسکری ونگ القسام بریگیڈز کے ترجمان ابو عبیدہ نے کہا ہے کہ فلسطینی آزادی پسند جنگجو اسرائیلی قبضے کا مقابلہ کر رہے ہیں اور ‘اسرائیل’ کی جارحیت کے خلاف غزہ کے لوگوں کا دفاع کر رہے ہیں۔
ابو عبیدہ نے انکشاف کیا کہ اسرائیلی قابض افواج کے ساتھ متعدد سرحدی مقامات پر شدید لڑائی جاری ہے۔
انہوں نے کہا کہ قابض اسرائیلی ہمارے لوگوں کو زبردستی بے گھر کرنے کی کوشش کر رہے ہیں۔ القسام بریگیڈز کے ترجمان نے عہد کیا کہ غزہ اسرائیلی قبضے کا قبرستان رہے گا اور مزاحمتی تحریک دفاعی کارروائیاں جاری رکھے گی۔ انہوں نے کہا کہ ہماری کارروائیاں ظاہر کرتی ہیں کہ ہمارے پاس دشمن کے خلاف بہت سی تدابیر ابھی باقی ہیں۔
انہوں نے کہا کہ القسام بریگیڈز نے اب تک یاسین-105 اینٹی ٹینک آر پی جیز کا استعمال کرتے ہوئے 22 اسرائیلی فوجی گاڑیوں کو تباہ کیا ہے۔
’ہمارے حریت پسند دشمن کا تعاقب کرتے ہوئے پیچھے سے اس کی صفوں میں گھس گئے اور فورسز کو شدید نقصان پہچانے میں کامیاب ہوئے، اس کارروائی میں اسرائیلی فوج کی بے شمار ہلاکتیں ہوئیں۔
مزید برآں، ابو عبیدہ نے اسرائیلی وزیر اعظم بنجمن نیتن یاہو اور ان کی عسکری قیادت کو مخاطب کرتے ہوئے کہا: ’ہم نیتن یاہو اور ان کے کمانڈروں کو یقین دلاتے ہیں کہ وہ اس جنگ کے اختتام پر گھٹنے ٹیکیں گے، اور غزہ کی جنگ ایک سیاسی نتیجے پر پہنچے گی‘۔
انہوں نے کہا کہ ہم اب بھی اس جنگ کو مقبوضہ علاقوں کی آزادی کا پہلا قدم سمجھتے ہیں۔
واضح رہے کہ حماس کی بحری افواج نے گائیڈڈ العاصف تارپیڈو کا استعمال کرتے ہوئے کامیابی کے ساتھ بحری اہداف پر حملے کیے، جو آپریشن الاقصیٰ فلڈ کے دوران استعمال کیے گئے تھے۔
🚨 BREAKING: Al-Qassam Brigades introduce the "Al-Asif" guided torpedo, brought into service for the first time during the Al-Aqsa Flood operation.
FOLLOW OUR LIVE BLOG: https://t.co/qKD0sxzXgp pic.twitter.com/XfRjUblUwY
— The Palestine Chronicle (@PalestineChron) October 31, 2023
حماس کے فوجی ترجمان نے اس بات کی تردید کی کہ قابض اسرائیلیوں نے القسام بریگیڈز کے قبضے سے کسی بھی قیدی کو چھڑوایا ہے، انہوں نے کہا کہ اگر نیتن یاہو آج مبینہ طور پر ایک قیدی کو رہا کرنے پر فخر کرتا ہے تو پھر اسے اس انداز میں تمام قیدیوں کو رہا کروانے میں 20 سال لگیں گے۔
القسام بریگیڈز کے فوجی ترجمان نے مزاحمت کاروں کی قید میں موجود غیر ملکیوں سے متعلق کہا کہ انہوں نے ثالثوں کو آنے والے دنوں میں متعدد غیر ملکیوں کو رہا کرنے کے اپنے ارادے سے آگاہ کر دیا ہے۔
ابو عبیدہ نے کہا کہ وہ امت کے ہر معزز سپاہی اور جنگجو کو اس موقع سے فائدہ اٹھانے اور اس جنگ میں حصہ لینے کی دعوت دی، انہوں نے وعدہ کیا کہ ان کی جدوجہد کے نتیجے میں فتح اور عزت ملے گی۔
