راولپنڈی کے علاقے شاہ خالد کالونی میں 3 بچے کھیلتے ہوئے ٹرنک میں بند ہونے سے جاں بحق ہو گئے۔
ریسکیو 1122 کے مطابق مرنے والوں میں 2 بچیاں اور ایک بچہ شامل ہیں اور تینوں حقیقی بہن بھائی ہیں۔
مرنے والوں کی شناخت 7 سالہ فاریہ، 6 سالہ سائرہ اور 2 سالہ زوہان کے نام سے ہوئی ہے۔
پولیس کے مطابق بچوں کا والد وسیم خالد بائیکیا چلاتا ہے جبکہ والدہ اقرا بی بی نجی مارٹ میں ملازمت کرتی ہے۔
مرنے والے بچوں کے ماموں احسان نے بتایا کہ والدین بچوں کی میتیں لے کر آبائی علاقے چکوال روانہ ہو گئے ہیں۔ بچے گھر میں اکیلے تھے والدین موجود نہیں تھے۔
ماموں احسان کے مطابق والد کی گھر آمد پر بچوں کی تلاش کی گئی تو مردہ حالت میں ملے۔
